News

Check out real estate news updates

អបអរសាទរៈ លោក ច្រឹក សុខនីម ជាប់ជាប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា

ភ្នំពេញ : សមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបាននិងកំពុងធ្វើមហា​សន្និបាតរបស់ខ្លួន និងបោះឆ្នោតជ្រើសរើសប្រធានថ្មី សម្រាប់អាណត្តិទី៦ ដែលកាន់ដំ​ណែងចាប់ពីឆ្នាំ២០១៩ ២០២០។

បេក្ខជនបីរូប ដែលមានសក្តានុពលប្រហាក់ប្រហែលគ្នា និងមានសមត្ថភាពប្រហា​ក់ប្រហែលគ្នា បានឈរឈ្មោះជាប្រធានសមាគមនេះ មានដូចជា លោក ច្រឹក សុខនីមអគ្គនាយកក្រុមហ៊ុន Century21 Mekong លោកស៊ុត វីរៈអគ្គនាយកក្រុមហ៊ុន Hutton CPL និងលោកវ៉ន ចាន់ថនអគ្គនាយកក្រុមហ៊ុន Towncity Real Estate។
លោកគីម ហ៊ាងប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបាន​មានប្រសាសន៍រំលឹកពីប្រវត្តិ និងការដឹកនាំសមាគម ហើយបានមានប្រសាសន៍ថា លោកមានការពេញចិត្ត និងបេក្ខភាពបីរូប ដែលបានឈរឈ្មោះជាប្រធានសមាគមនេះ។
តាមរយៈការបោះឆ្នោតគាំទ្រ និងផ្តល់ទុកចិត្តពីសមាជិកសមាគមចំនួន៦៩នាក់ ដោយលោក ច្រឹក សុខនីមទទួលបានសម្លេងឆ្នោតចំនួន៣៤ លោក វ៉ន ចាន់ថនបាន២៥សម្លេង និងលោក ស៊ុត វីរៈបានចំនួន៧សម្លេង។

លទ្ឋផលដែលមានអ្នកបោះឆ្នោតផ្តល់សចក្តីទុកចិត្តច្រើនជាងគេ គឺបានជាប់ជាប្រធានសមាគមអ្នក​វាយតម្លៃ និងភ្នាក់ងារអចលនវត្ថុដោយស្វ័យប្រវត្តិ និងដឹកនសមាគមនេះសម្រាប់អាណត្តិថ្មី។
លោកនង ពិសិដ្ឋប្រធាននាយកដ្ឋានអភិវឌ្ឍន៍អាជីវកម្មនៃក្រសួងសេដ្ឋកិច្ច និងហិរញ្ញវត្ថុបានជំរុញឲ្យបេក្ខភាពប្រធានសមាគមថ្មី ពង្រឹងសមត្ថភាពភាសាអង់គ្លេស សម​ត្ថភាពដឹកនាំ ដើម្បីរុញសមាគមនេះឲ្យបានរីកចម្រើនកាន់តែលឿនបន្ថែមទៀត។
សមាគមនេះបានផ្តួចផ្តើមឡើងដោយក្រសួងសេដ្ឋកិច្ច និងហិរញ្ញវត្ថុ ដែលក្នុងពេល​នោះមានលោកគាត ឈន់ជាអ្នកដឹកនាំឬរដ្ឋមន្រ្តីក្រសួងនេះ។ ប្រធានសមាគមអាណត្តិទី១និងទី២ ដឹកនាំដោយលោក ស៊ឹង ប៊ុណ្ណា អាណត្តិទី៣ដឹកនាំដោយលោក ចេង​ ខេង អាណត្តិទី៤ ដឹកនាំដោយលោក សុខ ប៊ុន និងលោក គីម ហ៊ាង និងអាណត្តិទី៥ដឹកនាំដោយលោក គីម ហ៊ាង៕

Source From: https://www.propertyarea.asia

Leave a Reply

Your email address will not be published. Required fields are marked *