News

Check out real estate news updates

មជ្ឈមណ្ឌលពាណិជ្ជកម្មជប៉ុនតម្លៃ៦០លានដុល្លារចាប់ផ្តើមសាងសង់យ៉ាងសកម្ម

​ភ្នំពេញ:​ មជ្ឈមណ្ឌលពាណិជ្ជកម្មPhnom Penh World Trade Centerដែលបោញទុនវិនិយោគតម្លៃ៦០លានដុល្លារអាមេរិក បាននិងកំពុងចាប់ផ្តើមសាងសង់យ៉ាងសកម្ម។

អគ្គនាយកក្រុមហ៊ុន WTC Phnom Penh លោក KAZUYA URATA បានមាន​ប្រសាសន៍ឲ្យដឹង នៅការិយាល័យរបស់លោកកាលពីពេលថ្មីៗនេះថា លោកមានបំណង ជួយបណ្តុះបណ្តាលជនជាតិខ្មែរ ឲ្យចេះសា​ងសង់អាគារខ្ពស់ៗប៉ុណ្ណោះពេលមកដល់ភ្នំពេញដំបូង ប៉ុន្តែពេលមកដល់ទីក្រុងភ្នំពេញ លោកឃើញមា​នជនជាតិជប៉ុនច្រើនមកវិនិយោគ និងរស់នៅកម្ពុជា និងមើលឃើញថា នៅទីក្រុងភ្នំពេញ មិនទាន់មានមជ្ឈមណ្ឌលពាណិជ្ជកម្មតាមស្តង់ដាជប៉ុននៅឡើយ ទើបលោកវិនិយោគគំរោងនេះឡើង ដើម្បីផ្តល់នូវអ្វីជាស្តង់ដាជប៉ុន សម្រាប់អ្នក​វិនិយោគជប៉ុនរស់នៅទីនេះ។

លោកបន្តថា “មជ្ឈមណ្ឌល World Trade Center Phnom Penh នឹងធ្វើឡើង​តាមស្តង់ដាជប៉ុន និងគុណភាពជប៉ុន ហើយគំរោងនេះមានកំពស់២៣ជាន់ ដែល​នឹងចាប់ផ្តើមសាងសង់ពីខែមេសា ឆ្នាំ២០១៨ និងគ្រោងបញ្ចប់នៅខែមេសាឆ្នាំ​២០២៣”។លោកបន្តថា “គោលដៅធំរបស់ខ្ញុំ គឺជួយបណ្តុះបណ្តាលជនជាតិខ្មែរ ឲ្យមានសមត្ថភាពសាងសង់អាគារខ្ពស់ៗ”។

គំរោង WTC Phnom Penh ស្ថិតនៅលើផ្លូវ៤៣០ សង្កាត់ទួលទំពូងទី២ ខ័ណ្ឌចំការមក ក្រុងភ្នំពេញ។ គំរោងនេះសាងសង់នៅលើផ្ទៃដី៣៣០០ម៉ែត្រការ៉េ និងផ្ទៃអាគារទាំងមូលមានទំហំ៤៦,០០០ម៉ែត្រការ៉េ។

អាគារ WTC Phnom Penh មានកំពស់​២៣ជាន់ ដោយមានចំណតយានយន្តក្រោមដី៤ជាន់ និងចាប់ពីជាន់ទី១ដល់ជាន់ ទី៤ ជាផ្សារទំនើប ចាប់ពីជាន់ទី៥ដល់ជាន់ទី១០ជាទីតាំងការិយាល័យ និងចាប់ពីជាន់ទី១១ ដល់ជាន់ទី២៣ ជាសណ្ឋាគារកម្រិតផ្កាយ៤.៥ ចំនួន២២០បន្ទប់។

លោក KAZUYA URATA បានបន្តថា វិស័យអចលនទ្រព្យនៅកម្ពុជានឹងមាន​ភាពរីកចម្រើនបន្តទៀតនាពេលអនាគត ដោយសារកំនើនសេដ្ឋកិច្ច ប្រាក់​ចំ ណូលកើនឡើងរបស់ប្រជាពលរដ្ឋខ្មែរ ក៏ដូចជាកត្តាមួយចំនួនទៀតដូចជា ទី១ ប្រទេសកម្ពុជាចាយប្រាក់ដុល្លារ ជាមូលដ្ឋានដ៏ល្អដែលផ្តល់ទំនុកចិត្តដល់អ្នកវិនិយោគ ហើយកំរ៉ប្រទេសណាចាយប្រាក់ដុល្លារទូលំទូលាយបែបនេះណាស់ ទី២ ការផ្ញើរសាច់ប្រាក់ពីកម្ពុជា ទៅបរទេសមានភាពងាយស្រួល និងទី៣ កម្ពុជាផ្តល់សិទ្ឋឲ្យជនជាតិបោះទុន១០០ភាគរយ លើក្រុមហ៊ុនរបស់ខ្លួនឯងបាន។

គំរោង WTC Phnom Penh សាងសង់ដោយក្រុមហ៊ុន URATA S.E Cambodia Co, Ltd, និងវិនិយោគដោយ WTC Phnom Penh។

អគ្គនាយកក្រុមហ៊ុន Century21 Mekong លោកច្រឹក សុខនីមបានថ្លែងថាគំ​រោងបែបនេះ ពិតជាល្អប្រសើរ និងសមស្របនឹងទីតាំងរបស់គាត់ ហើយលោកគិតថា វានឹងទទួលបានជោគជ័យ ព្រោះមុនសម្រេចចិត្តវិនិយោគអ្វីមួយ អ្នកវិនិយោគជប៉ុនសិក្សាច្បា​ស់លាស់ណាស់ពីទីផ្សារ ពីទិដ្ឋភាពផ្លូវច្បាប់ ក៏ដូចជាសក្តានុពលនៃគម្រោងវិនិយោគរប​ស់​ពួកគេ។

លោកបន្តថា “ទួលទំពូងបច្ចុប្បន្ន បានក្លាយជាតំបន់កណ្តាលក្រុងទៅហើយ ហេតុនេះគំរោងនេះ មិនចោទជាបញ្ហានោះទេ”៕

Source From: https://www.propertyarea.asia

Leave a Reply

Your email address will not be published. Required fields are marked *