News

Check out real estate news updates

ផ្លូវជាតិ​លេខ៣ ដែល​ពង្រីក​ដល់ ៤គន្លង​សម្រេច​បាន ៩%ហើយ ក្រោយ​បើកការដ្ឋាន​ជិត ១ឆ្នាំ

ក្រសួង​សាធារណការ និង​ដឹកជញ្ជូន បាន​ឱ្យដឹងកាលពី​ថ្ងៃទី​២០ ខែ​មីនា ឆ្នាំ​២០១៩ ថា គម្រោង​ធ្វើឱ្យ​ប្រសើរឡើង​ផ្លូវ​ជាតិលេខ៣ សម្រេចបាន ៩% នៃ​ផែនការ​គម្រោង ​ក្រោយ​បើកការដ្ឋាន​ជាផ្លូវការ​កាលពីខែ​ឧសភា ឆ្នាំ​២០១៨។

កាលពី​ម្សិលមិញនេះ លោក ខាន់ ម៉ាណេរ រដ្ឋលេខាធិការ​ក្រសួង​សាធារណការ និង​ដឹកជញ្ជូន បាន​ដឹកនាំ​ក្រុម​ការងារ​គ្រប់គ្រង​គម្រោង​អនុវត្ត​ដោយCRBC ចុះ​ពិនិត្យ វឌ្ឍនភាព​គម្រោង​ផ្លូវជាតិលេខ​៣។

ក្រុម​ការងារ​បាន​ចុះ​ពិនិត្យ​ការ​រៀបចំ​ប្រព័ន្ធ​លូ ការ​រៀប​សាងសង់​ស្ពាន​ស្របទ្វារ​ទឹក​កំពង់​ទួល ស្ពាន​រំលង​ថ្មើរជើង​នៅផ្សារ​ត្រាំខ្នារ និង​អង្គ​តាសោម ពិនិត្យ​សម្រប​សម្រួល​ដោះស្រាយ​សំណង់​ផ្ទះ។ ក្រុម​ការងារ​ ក៏បាន​ណែនាំ​ក្រុមហ៊ុន​ឱ្យ​បន្ថែម​បង្គោល​សុវត្ថិភាព និង​ជំរុញ​ការងារ​ដើម្បី​ធ្វើ​យ៉ាងណា​ អាច​ឱ្យ​ប្រជាពលរដ្ឋ ធ្វើដំណើរ​បាន​ នាបុណ្យ​ចូលឆ្នាំ​ប្រពៃណីជាតិ​ខាងមុខ។

សូម​ជម្រាប​ថា ការដ្ឋាន​ពង្រីក​ផ្លូវជាតិ​លេខ៣ ពី​ភ្នំពេញ (ចោមចៅ) ទៅក្រុង​កំពត ប្រវែង១៣៤​គីឡូម៉ែត្រ នឹង​ត្រូវ​ប្រើប្រាស់​រយៈពេល​សាងសង់​ប្រមាណ ៤៨​ខែ។ គម្រោង​នេះ នឹង​ចំណាយ​ថវិកា​ប្រមាណ​ជាង ២១៩​លាន​ដុល្លារ ក្រោម​ហិរញ្ញប្បទាន​សម្បទាន​ពីរដ្ឋាភិបាល​ចិន រួម​ជាមួយ​ថវិកា​បដិភាគ​របស់​រាជ​រដ្ឋាភិបាល​កម្ពុជា សម្រាប់​ការ​ដោះស្រាយ​ផល​ប៉ះពាល់ ការ​បោស​សម្អាត​មីន និង​យុទ្ធភ័ណ្ឌ​មិន​ទាន់ផ្ទុះ។

Source From: http://kleykley.sabay.com.kh/article/1130165#utm_campaign=onpage

Leave a Reply

Your email address will not be published. Required fields are marked *