News

Check out real estate news updates

Raimon Land ប្រ​កាស​គម្រោង​ខុន​ដូ​ប្រ​ណីត​កម្ពស់ ៣៩ ​ជាន់​

ក្រុង​បាង​កកៈ ​ក្រុម​ហ៊ុន Raimon Land ដែល​ជា​ក្រុម​ហ៊ុន​អភិ​វឌ្ឍន៍​អ​ច​ល​ន​ទ្រ​ព្យ​ឈា​ន​មុខ​គេ​ បាន​ប្រ​កាស​ផែន​​ការ​ចាប់​ផ្ដើម​​ការ​ងារ​នៅ​ឆ្នាំ​ក្រោយ​​​លើ​គម្រោង​លំ​នៅ​ឋាន TAIT12 ​របស់​ខ្លួន​។ នេះ​បើ​យោង​តាម​សេច​ក្តី​រាយ​ការណ៍​របស់​កា​សែត​បាង​កក​ប៉ុស្តិ៍។

កា​សែត​បាង​កក​ប៉ុស្តិ៍​បាន​រាយ​ការណ៍​ថា គម្រោង​ខុន​ដូ​ប្រ​ណីត​ ៣៩ ជាន់​នេះ មាន​ទី​តាំង​​ស្ថិត​នៅ​មហា​វិ​ថី​​ Sathorn ចម្ងាយ​ ២៥០ ម៉ែត្រ​ប៉ុ​ណ្ណោះ​ពី​ស្ថា​នីយ​រថ​ភ្លើង​ BTS Suksa Wittaya។

ជា​មួយ​នឹង​ការ​រចនា​ប្លែក​ពី​គេ​របស់​ខ្លួន ទី​តាំង​ដែល​គួរ​ឲ្យ​ច​ង់​បាន​ និង​លក្ខណ​ពិ​សេស​​ផ្នែក​គុណ​ភាព និង​ភាព​​ស្រស់​ស្អាត​​ គម្រោង TAIT12 ត្រូវ​បាន​គេ​គិត​ថា​នឹង​ក្លាយ​ជា​និមិត្ត​សញ្ញា​ដ៏​អស្ចារ្យ​មួយ​នៃ​អគារ​ខ្ពស់​ CBD​ របស់​ទី​ក្រុង​បាង​កក​។​

អគារ​មាន ២៣៨ យូ​នីត​​មួយ​នេះ​ផ្តល់​ជូន​ខុន​ដូ​ប្រ​ភេទ​​​បន្ទប់​គេង ១ បន្ទប់​គេង ២ និង​បន្ទប់​គេង​ ២+១ ព្រម​ទាំង​យូ​នីត​​ដែល​អាច​មើល​ឃើញ​សួន​ច្បារ​នៅ​លើ​ដំ​បូល ដែល​ចំ​នួន​យូ​នីត​ប្រ​ភេទ​នេះ​មាន​​កំ​ណត់​។ ពិ​តាន​មាន​កម្ពស់​ចាប់​​ពី ៣ ទៅ​ ៣,២ ម៉ែត្រ​ ផ្ដល់​​បន្ទ​ប់​ធំ​ទូ​លាយ​ព័ទ្ធ​ជុំ​វិញ​ដោយ​បរិ​យា​កាស​ល្អ​គ្រប់​ផ្នែក មាន​អម​ដោយ​សួន​ច្បារ​នៅ​តាម​ផ្លូវ​ចូល​ មា​ន​កន្លែង​សម្រាប់​​រថ​យន្ត​មក​ទទួល​ និង​ដាក់​ភ្ញៀវ​ និង​​បន្ទប់​ទទួល​ភ្ញៀវ​។​

ឋប​នីយ​ភណ្ឌ (Facilities) ​មាន​ច្រើន និង​គុណ​ភាព​ត្រូវ​នឹង​លំ​នៅ​ឋាន​ប្រ​កប​ដោយ​កិត្យា​នុ​ភាព​។ អា​ង​ហែល​ទឹក​ជាន់​​លើ​បង្អស់ រួម​មាន​ទាំង​តំ​បន់​​​ក្មេង​លេង និង​ប្រ​ព័ន្ធ​​បន្សុទ្ធ​​មិន​មាន​សារ​ធាតុ​ក្ល​រីន។​

មជ្ឈ​មណ្ឌល​ហាត់​ប្រាណ​ថ្នាក់​ពិ​ភព​លោក​ ស្ទូ​ឌី​យោ​បណ្ដុះ​​បណ្ដាល​ និង​កន្លែង​ហាត់​ប្រាណ​​បន្ថែម​សូ​ណា​តាម​ភេទ​ដាច់​ពី​គ្នា​ ខណៈ​​កន្លែង​រង្គ​សាល​ បណ្ណា​ល័យ និង​កន្លែង​មាន​មុខ​ច្រើន​ ធ្វើ​ឲ្យ​មាន​ភាព​ខុស​គ្នា​នៃ​សកម្ម​ភាព​កម្សាន្ត និង​សហ​គមន៍​។​​

លក្ខណ​ពិ​សេស​សំ​ខាន់​ៗ​ផ្សេង​ទៀត​ រួម​មាន​កន្លែង WiFi ​ប្រ​ព័ន្ធ​សន្ដិ​សុខ​ CCTV ២៤ ​ម៉ោង​ប្រើ​ប្រាស់​កម្លាំង​មនុស្ស​ និង​ការ​ចូល​ដោយ​ប្រើ​ប្រាស់​កាត​ជា​ពិ​សេស​តាម​ជាន់​ជាក់​លាក់។ បុគ្គ​លិ​ក​ផ្ដល់​ភាព​ងាយ​ស្រួល និង​សេ​វា​ដូ​ច​សណ្ឋា​គារ​ ខណៈដែល​យាន​ដ្ឋាន​​ចំ​ណត​រថ​យន្ត​ ២១៩ កន្លែង​ រួម​ទាំង​ស្ថា​នីយ​សាក​អា​គុយ​រថ​យន្ត​អគ្គិ​សនី​ទៀត​ផង​។​

រចនា​ដោយ​​ក្រុម​ហ៊ុន​ល្បី​ឈ្មោះ​ A49 Architects អគារ​នេះ​​​ត្រូវ​បាន​រចនា​យ៉ាង​ពិ​សេស ដែល​អាច​ឲ្យ​​ពន្លឺ​ធម្ម​ជាតិ​ចូល​គ្រប់​គ្រាន់​ ខណៈការ​រច​នា​ផ្សេង​ទៀត មាន​ដូច​ជា​អា​ង​​ហែល​ទឹក​​ក្នុង​រូង​ដ៏​ធំ​មួយ​ និង​កន្លែង​ហាត់​ប្រាណ​មើល​ទេស​ភាព​ធំ​ទូ​លាយ​ រួម​ផ្សំ​គ្នា​បង្កើត​ជា​​សោ​ភណ​ភាព​គួរ​ឲ្យ​ទាក់​ទាញ និង​មុខ​ងារ​ក្នុង​ការ​​​លើក​កម្ពស់​ភាព​ប្រ​ណីត​រួម និង​ភាព​ខុស​ប្លែក​ពី​គេ។​

គម្រោង​ TAIT12 នេះ​​គ្រោង​ចាប់​ផ្ដើម​នៅ​ត្រី​មាស​ទី ២ ​ឆ្នាំ ក្រោយ និង​​​​បញ្ចប់​នៅ​ត្រី​មាស​ទី ៣ ​ឆ្នាំ​ ២០២២៕​ LA

Source From: https://www.postkhmer.com

Leave a Reply

Your email address will not be published. Required fields are marked *