News

Check out real estate news updates

ដឹងទេថាក្រុងបាវិតមានសក្កានុពលអ្វីខ្លះក្នុងការឆក់ទាញវិនិយោគិនយ៉ាងច្រើន?

ក្រុងបា​វិត​ជាច្រក​ដ៏​សំខាន់​សម្រាប់​ចរាចរ​ផ្លូវគោក ទំនាក់ទំនងរវាង​ប្រទេស​ទាំង​ពីរគឺ​កម្ពុជានិង​វៀតណាម ជា​ពិសេស​គឺ​ទីក្រុងភ្នំពេញ និង​ទីក្រុង​ហូ​ជី​មិ​ញ​។ ក្រៅពី​ការ​បង្កើត​ជា​តំបន់​កំសាន្ដ​ហើយ តំបន់​នេះ​នៅ​មាន​ផ្សារណាត់​ដែល​មាន​ទំនិញ​គ្រប់ប្រភេទ​ជា​ផលិតផល​ក្នុងស្រុក និង​ផលិតផល​ពី​ប្រទេស​វៀតណាម​ ហើយច្រកព្រំដែន​បា​វិត​គឺជា​មជ្ឈមណ្ឌល​ទេសចរ ដែល​ទាក់ទាញ​ភ្ញៀវ​ទេសចរ​បាន​ច្រើន​ជាងគេ​ក្នុង​ចំណោម​តំបន់​កំសាន្ដ​ក្នុងខេត្ដ​នេះ​។ ចំណែកតម្លៃ​ដីធ្លី និង​សំណង់​អគារ​នានា​នៅ​ក្រុង​បា​វិត កំពុង​ហក់​ឡើង​យ៉ាង​លឿន ជា​ពិសេស​តំបន់​ទីប្រជុំជន​ក្នុង​សង្កាត់​បា​វិត​តែ​ម្ដង ដោយ​មាន​ជនជាតិ​ចិន​បាន​មក​ដេកចាំ​ទិញ​ដី​សាងសង់​អគារ​ខ្ពស់​ៗ​សម្រាប់​ធ្វើ​អាជីវកម្ម ដូច​ជា ខុន​ដូ សណ្ឋាគារ ផ្ទះសំណាក់ កាស៊ីណូ ក្លិប​កម្សាន្ដ ផ្សារ​ទំនើប និង​តូប​លក់ដូរ​ជាដើម ។ ដឹងទេថាក្រុងបាវិតមានសក្កានុពលអ្វីខ្លះដែលធ្វើឲ្យក្រុងមួយនោះមានការឆក់ទាញអ្នកវិនិយោគទៅវិនិយោគយ៉ាងច្រើន? ខាងក្រោមនេះជាសក្កានុពលក្រុងបាវិតដែលឆក់ទាញអ្នកវិនិយោគកាន់តែច្រើន៖ សំបូរទៅដោយ Casino អគាខ្ពស់ៗ ផែស្ងួត មានជនជាតិចិនរស់នៅច្រើន សំបូរទៅដោយរោងចក្រ ជាទីក្រុងរណបថ្មី ជាច្រកព្រុំដែន កម្ពុជា – វៀតណាម មានគំរោងផ្លូវល្បឿនលឿនពីភ្នំពេញទៅបាវិត ជាតំបន់ក្សែរក្រវ៉ាត់ចិន។ សូមជម្រាបផងដែរថា សក្កានុពលទាំងនេះហើយដែលធ្វើឲ្យវិនិយោគិនជាច្រើនមកបោះទុនវិនិយោគលើទឹកដីក្រុងបាវិត…

Read more

បណ្តោយផ្លូវជាតិលេខ១ ហាក់ដូចកូនក្រមុំ ខណៈកំពុងទាញគម្រោងធំៗជាច្រើនទៅវិនិយោគ

ផ្លូវជាតិលេខ១ហាក់កំពុងទាក់ទាញ អ្នកវិនិយោគគិនជាច្រើនឲ្យទៅវិនិយោគនៅតំបន់នោះ បន្ទាប់ពី​ផ្លូវជាតិ​លេខ១បានបញ្ចប់​ការស្ថាបនា ហើយក៏ជាតំបន់ស្ថិតនៅក្នុងបណ្តាញផ្លូវនៃគម្រោងផ្លូវមួយ ខ្សែក្រវ៉ាត់មួយរបស់ប្រទេសចិន។ ។ អ្នកនាង Grace Rachny Fong នាយិកានៃក្រុមហ៊ុនCentury21បានឲ្យដឹងថា បច្ចុប្បន្នការទិញលក់នៅតំបន់នោះ ហាក់សកម្មយ៉ាងខ្លាំង មិនតែប៉ុណ្ណោះនៅ មាន​ក្រុមហ៊ុន​អន្តរជាតិ​ធំៗជាច្រើនកំពុងរៀបចំ​អភិវឌ្ឍន៍ និងមានក្រុមហ៊ុន​ធំៗជាច្រើន​ទៀតនឹងចូល​ទៅតំបន់នេះនា​ពេលអនាគត ។ តំបន់ផ្លូវជាតិលេខ១ កំពុងទាក់ទាញភ្នែកអ្នកវិនិយោគិនក្នុងស្រុក និងក្រៅស្រុកមកវិនិយោគលើវិស័យអចលនទ្រព្យសំខាន់ៗ មានផ្សារទំនើប លំនៅឋាន កន្លែងកម្សាន្តបែបធម្មជាតិ និងជាស្នាក់នៅដ៏មានសក្តានុពលផងដែរ ដោយសារតែកត្តាធម្មជាតិ មានព្រៃឈើ ជាប់បណ្តោយទន្លេ និងអាកាសធាតុល្អប្រសើរ។ មានកត្តាសំខាន់ៗជាច្រើនបាន និងកំពុងធ្វើឱ្យតំបន់ដែលស្ថិតនៅតាមបណ្តោយផ្លូវជាតិលេខ១ រាប់ចាប់ពីតំបន់ច្បារអំពៅ រហូតដល់ស្រុកលើកដែក នៃទឹកដីខេត្តកណ្តាល នឹងមានការផ្លាស់ប្ដូរនិងរីកចម្រើនយ៉ាងខ្លាំង ។ ជាក់ស្តែង នៅពេលថ្មីៗនេះ ក្រុមហ៊ុនចិន បានមកបណ្តាក់ទុនវិនិយោគតំបន់រមណីដ្ឋានបែបធម្មជាតិ នៅជាយរាជធានីភ្នំពេញ ដើម្បីបម្រើដល់វិស័យទេសចរណ៍ មកលេងកម្សាន្តនៅតំបន់ជាយក្រុងភ្នំពេញ…

Read more

កម្ពុជាស្នើឲ្យ Alibaba ជ្រើសរើសព្រលានយន្តហោះកំពង់ឆ្នាំងជាទីតាំងពាណិជ្ជកម្ម

កម្ពុជាបានស្នើឲ្យក្រុមហ៊ុនផ្តល់សេវាដឹកជញ្ជូន 4PX Express របស់សម្ព័ន្ធ Alibaba Cainiao Logistics Group ជ្រើសរើសព្រលានយន្តហោះកំពង់ឆ្នាំងជាទីតាំងពាណិជ្ជកម្ម ដែលជាផ្នែកមួយនៃការធ្វើពាណិជ្ជកម្មតាមប្រព័ន្ធអេឡិចត្រូនិកឆ្លងកាត់ព្រំដែនក្នុងទីផ្សារកម្ពុជា។ ថ្លែងក្នុងជំនួបពិភាក្សាការងារជាមួយក្រុមហ៊ុនខាងលើ កាលពីថ្ងៃទី១៨ ខែមីនា ឆ្នាំ២០១៩  ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានស្នើឲ្យក្រុមហ៊ុន 4PX Express ពិចារណាលើការប្រើប្រាស់ព្រលានយន្តហោះនៅកំពង់ឆ្នាំងជាកន្លែងសម្រាប់ធ្វើពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា ដោយសារតែខេត្តនេះជាទីតាំងឋិតនៅចំចំណុចកណ្តាលសម្រាប់ការតភ្ជាប់តាមផ្លូវដែក ផ្លូវទឹក ផ្លូវហាយវេ និងផ្លូវជាតិផងដែរ។ សំណើខាងលើនេះ គឺដោយសារកន្លងមក កម្ពុជាមិនធ្លាប់បានប្រើប្រាស់ព្រលានយន្តហោះនៅកំពង់ឆ្នាំងជាមជ្ឈមណ្ឌលដឹកជញ្ជូនទំនិញរបស់ខ្លួននោះទេ។ ជាមួយគ្នានេះដែរ រាជរដ្ឋាភិបាលកម្ពុជានឹងជួយសម្របសម្រួលដល់ការធ្វើពាណិជ្ជកម្មតាមរយៈការរៀបចំឲ្យមានហេដ្ឋារចនាសម្ព័ន្ធដឹកជញ្ជូនសម្បូរបែប ឃ្លាំងស្តុកទំនិញតាមស្តង់ដាអន្តរជាតិ ព្រមទាំងការសម្រួលដល់នីតិវិធីឯកសាររដ្ឋបាលផងដែរ។ ជាក់ស្តែង ថ្មីៗនេះ រាជរដ្ឋាភិបាលកម្ពុជាបានប្រកាសគម្រោងសាងសង់ហេដ្ឋារចនាសម្ព័ន្ធស្ពានថ្មីស្រឡាងនិងវែងជាងគេនៅកម្ពុជាដែលតភ្ជាប់ពីខេត្តកំពង់ឆ្នាំងទៅកាន់ខេត្តកំពង់ធំ។ (អានបន្ថែម) គួររម្លឹកថា…

Read more

ទិដ្ឋភាព​ការដ្ឋាន​សាងសង់​ស្ពាន​អាកាស​ និង​ផ្លូវ​ក្រោមដី​រង្វង់មូល​ចោមចៅ

នៅ​ថ្ងៃទី​២០ ខែមីនា ឆ្នាំ​២០១៩​នេះ រដ្ឋបាល​រាជធានី​ភ្នំពេញ បាន​បង្ហោះ​រូបភាព​មួយចំនួន បង្ហាញ​ពី​ដំណើរការ​សាងសង់​ស្ពាន​អាកាស​ និ​ងផ្លូវ​ក្រោមដី រង្វង់មូល​ចោមចៅ។ ទោះជាយ៉ាងណា រដ្ឋបាល​រាជធានី មិន​បាន​បញ្ជាក់​ទេថា ការដ្ឋាន​សាងសង់​នេះ សម្រេច​បាន​ប៉ុន្មាន​ភាគរយ​នោះ​ទេ។ សូម​រំលឹក​ថា ស្ពាន​អាកាស​ និង​ផ្លូវក្រោមដី​នេះ ត្រូវបាន​បើក​ការដ្ឋាន​សាងសង់​ជាផ្លូវការ​កាលពី​ថ្ងៃទី២៩ ខែ​មិថុនា ឆ្នាំ​២០១៨។ គម្រោង​តម្លៃ​ប្រមាណ​២២​លាន​ដុល្លារ​នេះ នឹង​ប្រើប្រាស់​រយៈពេល​សាងសង់​ចំនួន ៣០​ខែ។ លក្ខណៈ​ចំនួន ៥ នៃ​គម្រោង​សាងសង់​ស្ពាន​អាកាស និង​ផ្លូវ​ក្រោម​ដី​រង្វង់​មូល​ចោមចៅ ដូច​ខាង​ក្រោម៖ ១- ​ស្ពាន​អាកាស​ទី ១ ៖ -ជា​ស្ពាន​អាកាស​មេ​តភ្ជាប់​ចរាចរណ៍​ ពី​មហា​វិថី​សហព័ន្ធ​រុស្ស៊ី មក​ផ្លូវ​ជាតិ​លេខ ៣ មាន​ប្រវែង សរុប ៤០៨​ម៉ែត្រ ទទឹង ១៥,៨​ម៉ែត្រ…

Read more

ផ្លូវជាតិ​លេខ៣ ដែល​ពង្រីក​ដល់ ៤គន្លង​សម្រេច​បាន ៩%ហើយ ក្រោយ​បើកការដ្ឋាន​ជិត ១ឆ្នាំ

ក្រសួង​សាធារណការ និង​ដឹកជញ្ជូន បាន​ឱ្យដឹងកាលពី​ថ្ងៃទី​២០ ខែ​មីនា ឆ្នាំ​២០១៩ ថា គម្រោង​ធ្វើឱ្យ​ប្រសើរឡើង​ផ្លូវ​ជាតិលេខ៣ សម្រេចបាន ៩% នៃ​ផែនការ​គម្រោង ​ក្រោយ​បើកការដ្ឋាន​ជាផ្លូវការ​កាលពីខែ​ឧសភា ឆ្នាំ​២០១៨។ កាលពី​ម្សិលមិញនេះ លោក ខាន់ ម៉ាណេរ រដ្ឋលេខាធិការ​ក្រសួង​សាធារណការ និង​ដឹកជញ្ជូន បាន​ដឹកនាំ​ក្រុម​ការងារ​គ្រប់គ្រង​គម្រោង​អនុវត្ត​ដោយCRBC ចុះ​ពិនិត្យ វឌ្ឍនភាព​គម្រោង​ផ្លូវជាតិលេខ​៣។ ក្រុម​ការងារ​បាន​ចុះ​ពិនិត្យ​ការ​រៀបចំ​ប្រព័ន្ធ​លូ ការ​រៀប​សាងសង់​ស្ពាន​ស្របទ្វារ​ទឹក​កំពង់​ទួល ស្ពាន​រំលង​ថ្មើរជើង​នៅផ្សារ​ត្រាំខ្នារ និង​អង្គ​តាសោម ពិនិត្យ​សម្រប​សម្រួល​ដោះស្រាយ​សំណង់​ផ្ទះ។ ក្រុម​ការងារ​ ក៏បាន​ណែនាំ​ក្រុមហ៊ុន​ឱ្យ​បន្ថែម​បង្គោល​សុវត្ថិភាព និង​ជំរុញ​ការងារ​ដើម្បី​ធ្វើ​យ៉ាងណា​ អាច​ឱ្យ​ប្រជាពលរដ្ឋ ធ្វើដំណើរ​បាន​ នាបុណ្យ​ចូលឆ្នាំ​ប្រពៃណីជាតិ​ខាងមុខ។ សូម​ជម្រាប​ថា ការដ្ឋាន​ពង្រីក​ផ្លូវជាតិ​លេខ៣ ពី​ភ្នំពេញ (ចោមចៅ) ទៅក្រុង​កំពត ប្រវែង១៣៤​គីឡូម៉ែត្រ នឹង​ត្រូវ​ប្រើប្រាស់​រយៈពេល​សាងសង់​ប្រមាណ ៤៨​ខែ។…

Read more

មហាយក្សចិនបោះទុន២៥០០លានដុល្លារសាងសង់ មជ្ឈមណ្ឌលពាណិជ្ជកម្ម ដ៏អស្ចារ្យនៅក្រុងប៉េកាំង

ប៉េកាំង៖ មហាយក្សចិនមិនបញ្ឈប់ការសម្ញែង អាគារកប់ពពករបស់ខ្លួននោះទេ ដោ​យទីក្រុងប៉េកាំង បាននិងកំពុងតែសាងសាងសង់អគារខ្ពស់កប់ពពកមួយទៀត មានឈ្មោះ​ថា CITIC Tower ឬChina Zun Tower ដែលគ្រោងនឹងបញ្ចប់នៃការសាងសង់របស់ខ្លួននៅក្នុងឆ្នាំ២០១៩ នេះ។ ស្ថាបត្យកម្ម ដែលជាមជ្ឈមណ្ឌលពាណិជ្ជកម្មកម្រិតពិភពលោកនេះ មានកម្ពស់ ១៩០ជាន់ ស្មើនឹង៥២៨ម៉ែត្រ និងត្រូវបានសាងសង់នៅក្នុងខណ្ឌ ដែលមានសេដ្ឋកិច្ចរីកចម្រើន នាទីក្រុងប៉េកាំង ហើយក៏នឹងក្លាយជាអគារ ដែលខ្ពស់ជាងគេនៅក្នុងទីក្រុងផងដែរ។ អគារCITIC Towerមានកម្ពស់ខ្ពស់ជាងអគារ China World Trade Center Tower III។ មជ្ឈមណ្ឌលពាណិជ្ជកម្មChina Zun គឺជាប្រភេទអគារប្រើប្រាស់រួម មានទាំងអគា​រ​ការិយាល័យ អាផាតមិន សណ្ឋាគារ និងស្កាយបារនៅជាន់លើផងដែរ។ អគារនេះ ត្រូវបានចាប់ផ្តើមសាងសង់នៅក្នុងឆ្នាំ…

Read more

កម្ពុជាដាក់គម្រោងរោងចក្រប្រព្រឹត្តកម្មទឹកស្អាត តម្លៃ៣៥០លានដុល្លារដេញថ្លៃជាអន្តរជាតិ

រដ្ឋាករទឹកកម្ពុជា បានប្រកាសដាក់គម្រោងសាងសង់រោងចក្រប្រព្រឹត្តកម្មទឹកស្អាតតម្លៃ ៣៥០លានដុល្លារអាមេរិកដេញថ្លៃជាអន្តរជាតិ នេះបើយោងតាមកិច្ចសម្ភាសន៍រវាង ឯកឧត្តម ស៊ីម ស៊ីថា អគ្គនាយករដ្ឋាករទឹកភ្នំពេញ ជាមួយទស្សនាវដ្តី សំណង់ និងអចលនទ្រព្យ យើងខ្ញុំ។ តាមការបញ្ជាក់របស់ ឯកឧត្តម ស៊ីម ស៊ីថា នៅថ្ងៃទី ២០ ខែ មីនា ឆ្នាំ ២០១៩ រោងចក្រខាងលើ គ្រោងនឹងសាង់សង់លើទឹកដីបាក់ខែង ហួសព្រែកតាសេក ជិតស្តាតមរតកតេជោ ក្នុងទំហំផ្ទៃដី ១០ហិកតា។ គម្រោងនេះ នឹងមានការសាងសង់ ស្ថានីយបូមទឹកមួយ រោងចក្រផលិតទឹកស្អាត ២ និងប្រព័ន្ធបំពង់ទឹក ដែលយកប្រភពទឹកសំខាន់ពីទន្លេមេគង្គ ហើយអាចមានសមត្ថភាពផលិតទឹកបាន ៤០ម៉ឺនម៉ែត្រគូបក្នុងមួយថ្ងៃ សម្រាប់ផ្គត់ផ្គង់ដល់ការប្រើប្រាស់របស់ប្រជាជនចំនួន ៥ម៉ឺននាក់បន្ថែមទៀតទៅលើចំនួនអ្នកប្រើប្រាស់នាពេលបច្ចុប្បន្ន។ បច្ចុប្បន្ននេះ…

Read more

បន្ទប់សណ្ឋាគារ និងផ្ទះសំណាក់នៅខេត្តព្រះសីហនុកើនដល់ជាង១ម៉ឺនបន្ទប់

ព្រះសីហនុៈ ដោះស្រាយបញ្ហាប្រឈមនៃកង្វះបន្ទប់សណ្ឋាគារនៅក្រុងព្រះសីហនុលែងចោទជាបញ្ហាហើយ ដោយចំនួនបន្ទប់សណ្ឋាគារ និងផ្ទះសំណាក់ក្នុងខេត្តជាប់មាត់សមុទ្រនេះបានកើនឡើងដល់ជាង ១០,០០០ បន្ទប់ហើយ។ ប្រធានមន្ទីរទេសចរណ៍ខេត្តព្រះសីហនុ លោក តាំង សុចិត្រគ្រឹះស្នា បានមានប្រសា​សន៍ ក្នុងពេលក្រុមការងារបច្ចេកទេសរដ្ឋបាលខេត្តព្រះសីហនុ និងមន្ទីរពាក់ព័ន្ធ រួមជា​មួយក្រុមការងារក្រុមហ៊ុន Blue Media Cambodia បានរៀបចំនិងត្រួតពិនិត្យឡើងវិញនូវការរៀបចំព្រឹត្តិការណ៍សង្រ្កាន្តសមុទ្រ ដែលនឹងប្រព្រឹត្តទៅ៣ថ្ងៃចូលឆ្នាំខ្មែរនាព្រឹកថ្ងៃទី១៩ មិនាកន្លងមកថា នាពេលបច្ចប្បន្ននេះ នៅទូទាំងក្រុងព្រះសីហនុ មានបន្ទប់សណ្ឋាគារ និងផ្ទះសំណាក់ចំនួនជាង១ម៉ឺនបន្ទប់សម្រាប់ភ្ញៀវជួលស្នាក់នៅ អំឡុងពេលពួកគាត់មកកម្សាន្តនៅទីនេះ។ បន្ថែមលើសពីកន្លែងស្នាក់នៅខេត្តព្រះសីហនុ ក៏សម្បូរទៅដោយភោជនីយដ្ឋាន និងអាហារដ្ឋានជាង៣០០កន្លែងសម្រាប់ទទួលផ្គត់ផ្គង់ម្ហូបអាហារជូនភ្ញៀវទូទៅ។ លោកស្រី ខែក ខេមរ៉ាត អគ្គនាយិការ ក្រុមហ៊ុនប្ល៊ូមេឌា (Blue Media) បានឲ្យដឹងថា ក្រុមហ៊ុនប៊្លូមេឌាបានសហការជាមួយរដ្ឋបាលខេត្ត ដើម្បីត្រៀមរៀបចំកម្មវិធីសង្ក្រាន្តសមុទ្រសម្រាប់អបអរសារទរពិធីបុណ្យចូលឆ្នាំថ្មីប្រពៃណីខ្មែរ នាពាក់កណ្តាលខែមេសា​ខាងមុងនេះ។ លោកស្រីបន្តថា យើងនឹងរៀបចំជាឆាកវេទិកាធំមួយសម្រាប់ពិធីទទួលទេវតាឆ្នាំថ្មី…

Read more
CLOSE
CLOSE