News

Check out real estate news updates

អ្នកជំនាញអចលនទ្រព្យអះអាងថាវិស័យនេះកើនឡើង២០ភាគរយក្នុងឆ្នាំនេះ

ភ្នំពេញ: នាពេលបច្ចុប្បន្ន ដោយសារតែសេដ្ឋកិច្ចប្រទេសកម្ពុជា មានភាពរីកចម្រើន មានស្ថេរភាពនយោបាយ បានធ្វើឲ្យវិស័យអចលទ្រព្យនៅកម្ពុជា បានកើនឡើង២០ភាគរយក្នុងឆ្នាំ២០១៨នេះ។
មានប្រសាសន៍ឲ្យដឹងក្នុងពិព៌ណ អចលនទ្រព្យលើកទី៣ឆ្នាំ២០១៨ លោក Tom Osullivan អគ្គនាយកក្រុមហ៊ុនគេហទំព័រ Realestate.com.kh បានមានប្រសាសន៍ឲ្យដឹងនាព្រឹកថ្ងៃទី១៩ តុលានេះថា វិស័យអចលនទ្រព្យ មានការចាប់អារម្មណ៍ច្រើន ទាំងបុរី ខនដូ ផ្ទះ វីឡា ផ្សេងៗ គឺមានអតិថិជនមកទស្សនាការតាំងពិព័រណ៌ និងកក់នៅផ្ទះ ខុនដូ វីឡា មួយចំនួនផងដែរ។លោកបន្តថា ពិព៌ណលំដាប់អន្តរជាតិនេះមានក្រុមហ៊ុនចូលរួមជាង៤០ក្រុមហ៊ុន ដែលភាគច្រើនជាក្រុមហ៊ុនវិនិយោគបុរី ខុនដូ អាផាតម៉ិនជាតិ អន្តរជាតិដែលកំពុងវិនិយោគនៅកម្ពុជា។

លោកបន្តឲ្យដឹងថា សន្ទុះនៃភាពរីកចម្រើនផ្នែកវិស័យអចលនទ្រព្យ នៅកម្ពុជា បច្ចុប្បន្នមានភាពជោគជ័យច្រើន មិនថាភ្ញៀវជាតិឬអន្តរជាតិទេ ភ្ញៀវជាតិភាគច្រើនចាប់អារម្មណ៍លើផ្ទះវីឡាច្រើន ហើយភ្ញៀវបរទេសចាប់អារម្មណ៍ ខុនដូ ដោយសារតែការរចនា ចាយទុននិងទីតាំងប្រណិត គួជាទីចាប់អារម្មណ៍ ទើបធ្វើឲ្យមានការចាប់អារម្មណ៍ កក់និងទិញកើនឡើងប្រមាណ២០% ក្នុងឆ្នាំ២០១៨នេះ។ លោកបន្តថា អនាគតវិស័យអចលទ្រព្យរបស់ប្រទេសកម្ពុជា នឹងកាន់តែរីកចម្រើនបន្តទៀត ពោលគឺមិនចាញ់ប្រទេសជិតខាងទេ ដោយសារតែក្រុមហ៊ុនអចលទ្រព្យកំពុងតែរីកដុះដាល ហើយវិស័យនេះក៏មានអ្នកចាប់អារម្មណ៍ទិញច្រើន ក្រុមហ៊ុន អចលនទ្រព្យភាគច្រើនកំពុងតែជោគជ័យខ្លាំង។

អ្នកនាងអាន សុធីតានាយិកាប្រចាំប្រទេសនៃក្រុមហ៊ុន CBRE Cambodiaបានឲ្យដឹងផងដែរថា ទីផ្សារសំណង់ និងអចលនទ្រព្យកម្ពុជានឹបន្តរីកចម្រើនរយៈពេលវែងបន្ថែមទៀត ដោយការសិក្សាប្រកបដោយលក្ខណៈវិទ្យាសាស្រ្តមួយរបស់យើង បានរកឃើញថាតម្លៃដីធ្លីនឹងបន្តកើនឡើងប្រមាណ៧ភាគរយ ក្នុងរយៈពេល៧ឆ្នាំសម្រាប់រយៈពេល១០ឆ្នាំខាងមុខទៀត។

 អ្នកនាងបន្តថា ដោយសារសុខសន្តិភាព ស្ថិរភាពនយោបាយ និងកំណើនសេដ្ឋកិច្ចល្អប្រសើរបានធ្វើឲ្យកម្ពុជា ក្លាយជាគោលដៅនៃការវិនិយោគរបស់អ្នកវិនិយោគអន្តរជាតិ ដោយសារកម្ពុជាជាប្រទេស ដែលទទួលបានប្រាក់ចំណេញពីការវិនិយោគខ្ពស់ជាងប ណ្តាប្រទេសនៅក្នុងតំបន់។

យោងតាមរបាយការណ៍របស់ក្រសួងរៀបចំដែនដី នគរូបនីយកម្មនិងសំណង់បានបង្ហាញថា ទុនវិនិយោគក្នុងវិស័យសំណង់រយៈពេល៩ខែឆ្នាំនេះ សម្រេចបានទឹកប្រាក់ជាង៤៨០០លានដុល្លារ៕

Leave a Reply

Your email address will not be published. Required fields are marked *