News

Check out real estate news updates

ស្វែងយល់អាស៊ី! រដ្ឋាភិបាលកូរ៉េចាប់ផ្តើមធ្វើរឹតបន្តឹងលើប្រតិបត្តិការអចលន ទ្រព្យខុសច្បាប់

ភ្នំពេញ: សេវាបង់ពន្ធជាតិ (National Tax Service ) នៅក្នុងប្រទេសកូរ៉េបានចាប់ផ្តើមធ្វើសវនកម្ម ចំនួនប្រតិបត្តិការអចលនទ្រព្យ ដែលបានកត់ត្រាទុកកាលពីឆ្នាំ២០១៧ កន្លងទៅ ក្នុងទិសដៅដល់កិច្ចខិតខំប្រឹងប្រែងរបស់រដ្ឋាភិបាល ក្នុងការទប់ស្កាត់ការផ្ទេរអចលនទ្រព្យខុសច្បាប់ និងទប់ស្កាត់ការរំពឹងទុកនៅក្នុងឧស្សាហកម្មអចលនទ្រព្យ។

បើតាមការចុះផ្សាយរបស់សារព័ត៌មានYonhap ដោយបានដកស្រង់សម្តីរបស់លោក Park Myung-jae មន្ត្រីផ្នែកច្បាប់របស់រដ្ឋាភិបាលកូរ៉េ បានឲ្យដឹងកាលពីពេលថ្មីៗ​នេះថា ទីភ្នាក់ងារបង់ពន្ធបានអនុវត្តសវនកម្ម ទៅលើអចលនទ្រព្យចំនួន៤,៥៤៩ ករណីដែលបានធ្វើប្រត្តិការកាលពីឆ្នាំ២០១៧ ដែលមានទំហំទឹកប្រាក់ចំនួន៤៥១.៣លានដុល្លារ ដែលមិនបានបង់ពន្ធចូលរដ្ឋ និងបង់ពន្ធផាកពិន័យ។
សារព៌តមាននេះបានឲ្យដឹងទៀតថា តួលេខនេះជាសញ្ញាមួយ នៅតែស្ថិតនៅក្នុងកម្រិតខ្ពស់ដដែល គិតចាប់តាំងពីសេវាបង់ពន្ធជាតិ (National Tax Service ) បានកត់ត្រាទុកចំនួន៥,០៤៦ករណី កាលពីឆ្នាំ២០១៣។
សេវាបង់ពន្ធជាតិ (National Tax Service ) ក៏បានរកឃើញករណីផ្ទេរអចលនទ្រព្យខុសច្បាប់ចំនួន១០១ករណី រវាងឪពុកម្តាយ និងកូនកាលពីឆ្នាំមុន ដែលជាចំនួនមិនធ្លាប់មានពីមុនមក។ ភ្នាក់ងារនេះបានប្រមូលប្រាក់២០,៤ពាន់លានវ៉ុន ដែលមិនបានបង់ពន្ធរដ្ឋ និងការបង់ថ្លៃពិន័យចំពោះរយៈពេលដូចគ្នា។
NTSបាននឹងកំពុងយកចិត្តទុកដាក់ ត្រួតពិនិត្យលើកិច្ចព្រមព្រៀងអចលនទ្រព្យយ៉ាងទំលំទូលាយចាប់តាំងពីឆ្នាំ២០១៣ ដើម្បីទប់ស្កាត់ទៅនឹងការផ្ទេរខុសច្បាប់។ កាលពីខែឧសភាភ្នាក់ងារនេះបានប្រកាសថា ខ្លួនកំពុងស៊ើបអង្កេតចំពោះម្ចាស់ក្រុមហ៊ុនខ្នាតមធ្យម និងអ្នកមានទ្រព្យសម្បត្តិដែលសង្ស័យថា ពួកគេបានផ្ទេរទ្រព្យសម្បត្តិទៅឱ្យកូនៗ របស់ពួកគេ តាមរយៈទីលំនៅពន្ធនិងបណ្តាញខុសច្បាប់ដទៃទៀត៕

Leave a Reply

Your email address will not be published. Required fields are marked *