News

Check out real estate news updates

ស្វែងយល់ពីអាស៊ី! តើទីក្រុងណាខ្លះដែលមានតម្លៃលំនៅដ្ឋានថ្លៃជាងគេក្នុងទ្វីបអាស៊ី?

ភ្នំពេញ: តម្លៃអចលនទ្រព្យផ្នែកលំនៅដ្ឋាន នៅតែមានតម្លៃខ្ពស់នៅតាមបណ្តាទីក្រុងនានាន ស្ថិតក្នុងបណ្តាប្រទេសមួយចំនួនក្នុងតំបន់អាស៊ី ដោយក្នុងនោះតម្លៃអចលនទ្រព្យលំនៅដ្ឋាននៅក្នុងទីក្រុងហុងកុង នៅតែរក្សាបានដំណែងមានតម្លៃលំនៅដ្ឋានខ្ពស់បំផុត ពោលគឺឈរនៅលំដាប់លេខរៀងទី១ក្នុងំណោមទីក្រុងផ្សេងទៀត។

យោងតាមរបាយការណ៍ប្រចាំឆ្នាំ Wealth Report របស់ក្រុមហ៊ុនJulius Baer ដែលបានចេញផ្សាយកាលពីពេលថ្មីៗនេះ ថា តម្លៃអចលនទ្រព្យលំនៅដ្ឋាននៅក្នុងទីក្រុងហុងកុងមានតម្លៃរហូតដល់៥៤,៣០៧ដុល្លារ ក្នុងមួយម៉ែត្រការ៉េ ពោលកើនឡើង៥.២៦ ភាគរយបើធៀបនឹងឆ្នាំកន្លងទៅ។

ចំណែកតំលៃលំនៅដ្ឋានអចលនទ្រព្យ នៅក្នុងទីក្រុងតូក្យូ ប្រទេសជប៉ុនវិញ ហាក់មានការធ្លាក់ចុះបន្តិចពោល គឺធ្លាក់ចុះប្រហែល១.១៨ភាគរយ បើធៀបនឹងឆ្នាំទៅ ដោយ​តម្លៃលំនៅដ្ឋានក្នុងទីក្រុងនេះស្ថិតក្នុងតម្លៃ៤០.៨៧៨ដុល្លារ ក្នុងមួយម៉ែត្រការ៉េ។ ទីក្រុងសឹង្ហបុរី ឈរនៅលំដាប់លេខរៀងទី៣ ដែលតម្លៃលំនៅដ្ឋានមានចំនួន២៦,៥២៨ដុល្លារក្នុងមួយម៉ែត្រការ៉េ ពោលគឺកើនឡើង៦.៨៨ ភាគរយបើធៀបនឹងឆ្នាំ ២០១៧។

ទីក្រុងសៀងហៃ ប្រទេសចិនបានឈរនៅលំដាប់លេខរៀងទី៤ ដែលមានតម្លៃ លំនៅដ្ឋានមានចំនួន២៥,៤៤២ដុល្លារក្នុងមួយម៉ែត្រការ៉េ ពោលកើនឡើង១៩.០៣ ភាគរយ បើធៀបនឹងឆ្នាំ២០១៧។ ចំណែកទីក្រុង តៃប៉ិ កោះតៃវ៉ាន់វិញ តំលៃអចលនទ្រព្យលំនៅដ្ឋានមានតម្លៃ ២២.៨១៧ ដុល្លារ ក្នុងមួយម៉ែត្រការ៉ ពោលគឺ៥.២៤ ភាគរយ ដែលធ្វើអោយទីក្រុងនេះ ឈរនៅលេខរៀងទី៥ នៅក្នុងតំបន់អាស៊ី។

រីឯទីក្រុងសេអ៊ូល ប៉ុមបៃ បាងកក ហ្សាកាតា មានីល និងកូឡាឡាំពួ បានឈរនៅលើកំពូលតារាងលំដាប់ទី១១៕

Source From: https://www.propertyarea.asia

Leave a Reply

Your email address will not be published. Required fields are marked *