News

Check out real estate news updates

ស្រុក​ស្អាង​ចាប់ផ្តើម​រៀបចំ​ប្លង់គោល ដើម្បី​អភិវឌ្ឍន៍​ដោយ​ចីរភាព

ភ្នំពេញ៖ មន្ត្រី​ជំនាញ និង​អាជ្ញាធរ​មូលដ្ឋាន​បានរៀបចំ​ប្លង់គោល​នៅ​ស្រុក​ស្អាង ដើម្បី​ធានាបាន​នូវ​ការប្រើប្រាស់​ដី​សមស្រប និង​អភិវឌ្ឍន៍​ដោយ​ចីរភាព។

លោក​បណ្ឌិត វ៉ាន់ វ៉ាត អនុប្រធាន​មន្ទីរ​រៀបចំ​ដែនដី នគរូបនីយកម្ម​និង​សំណង់​ខេត្តកណ្តាល និង​ជា​អ្នកឯកទេស​ផ្នែក​នគរូបនីយកម្ម​បាន​ថ្លែង​ក្នុង​សិក្ខាសាលា​ផ្សព្វផ្សាយ​ប្លង់គោល​ប្រើប្រាស់​ដី និង​ពង្រាង​ហេ​ដ្ឋា​រចនា​ស​ម្ព័​ន្ឋ​សាធារណៈ​កាលពី​ថ្ងៃទី២៦ កញ្ញា​កន្លងមក​ថា ការរៀបចំ​ប្លង់គោល​ប្រើប្រាស់​ដីធ្លី មាន​សារៈសំខាន់​ណាស់​នៅ​ថ្នាក់មូលដ្ឋាន ក្នុងការ​កាន់កាប់​ដី​មាន​សុវត្ថិភាព មាន​យាម​ការ​ច្បាស់លាស់ និង​ការកាន់កាប់​ដីធ្លី​មិន​ជាន់គ្នា ពិសេស​ការកាត់បន្ថយ​ទ​ម្លា​ស់​ព្រំប្រទល់​ដីធ្លី ការធានា​នូវ​តម្លាភាព​កាន់កាប់​ដីធ្លី។

លោក​បន្តថា ការរៀបចំ​ប្លង់គោល​ប្រើប្រាស់​ដីធ្លី និង​ពង្រាង​ផែនការ​ហេដ្ឋារចនាសម្ព័ន្ធ​សាធារណៈ​គឺ​សំដៅទៅ​លើផ្លូវ​ព្រែក ប្រឡាយ អូរ ស្ទឹង បឹង អាងទឹក តំបន់​ការពារ ធ្វើយ៉ាងណា​គឺ​រៀបចំ​ឲ្យ​បានល្អ ដើម្បី​ទុកជា​កេរតំណែល​ឲ្យ​កូនចៅ​ជំនាន់​ក្រោយ​រស់នៅក្នុង​ភាព​ស៊ីវីល័យ សមរម្យ ប្រកបដោយ​បរិស្ថាន​ល្អប្រសើរ សំខាន់​ជាងនេះទៀត ស្រុក​នឹង​អាចធ្វើ​ការប្រឡងប្រណាំង​តាម​គោលការណ៍​របស់​ខេត្ត លើ​ការងារ​រៀបចំ​ប្លង់គោល​នេះ​ផងដែរ។

លោក​បណ្ឌិត វ៉ាន់ វ៉ាត បាន​បន្តថា បញ្ហា​រៀបចំ​ប្លង់គោល​ដីធ្លី​នេះ យើង​មាន​គោលបំណង​ជំរុញ​ការអភិវឌ្ឍន៍​ស្រុក​ឲ្យ​កាន់តែ​ប្រសើរឡើង ស្របតាម​ការផ្តល់​អនុ​សាសន៍​របស់​ឯកឧត្តម​អភិបាលខេត្ត ពិសេស​ក្រោម​ការដឹកនាំ​ដ៏​ឈ្លៀសវៃ របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី ដែល​បាន​ជំរុញ​ឲ្យ​យើងទាំងអស់គ្នា​សំរេច​តាម​គោលដៅ​ក្នុងការ​អភិវឌ្ឍន​សេដ្ឋកិច្ច សង្គមកិច្ច បរិស្ថាន សម្រាប់​បំរើ​ដល់​ការ​រស់​របស់​ប្រជាជន និង​មាន​សារៈសំខាន់​ណាស់​នៅ​ថ្នាក់មូលដ្ឋាន ក្នុងការ​កាន់កាប់​ដី​មាន​សុវត្ថិភាព មាន​យាម​ការ​ច្បាស់លាស់ ការកាន់កាប់​ដីធ្លី​មិន​ជាន់គ្នា ការ​ជាពិសេស​ការកាត់បន្ថយ​ទ​ម្លា​ស់​ព្រំប្រទល់​ដីធ្លី និង​ការធានា​នូវ​តម្លាភាព​កាន់កាប់​ដីធ្លី​ផងដែរ។

អភិបាលស្រុក​ស្អាង លោក ញឹម វណ្ណ​ឌិន​បាន​មានប្រសាសន៍​ឲ្យ​ដឹងផង​ដែរ​ថា ការផ្សព្វផ្សាយ​ប្លង់គោល ក្នុងការ​ប្រើប្រាស់​ដី​ឲ្យ​មាន​ប្រសិទ្ធភាព ពិតជា​មាន​សារៈសំខាន់​សម្រាប់​ស្រុក​ទាំងមូល ក្នុងការ​រៀបចំ​ហេ​ដ្ឋា​រចនា​សម្ព​ន្ធ័​សាធារណៈ​រួមមាន ផ្លូវ ព្រែក ប្រឡាយ អូរ ស្ទឹង អាងទឹក តំបន់​ការពារ និង​អភិរក្សផ្សេងៗឲ្យ​បានល្អ​ប្រសើរ ស្របតាម​គោ​លន​យោ​នាយ​របស់​រាជរដ្ឋាភិបាល ដែលមាន​ក្រសួង​រៀបចំ​ដែនដី នគរូបនីយកម្ម និង​សំណង់ ជា​សេនាធិការ​ក្នុងការ​ប្រតិបត្តិ​ផ្ទាល់​អំពី​ដីធ្លី​នេះ។

លោក​បន្តថា ដើម្បី​ពង្រឹង​ការ​គ្រប់​គ្រង់​ដីធ្លី​ឲ្យ​មាន​ប្រសិទ្ធ កា​រៀបចំ​ប្លង់គោល​សម្រាប់​ស្រុក​នៅពេលនេះ គឺជា​ការវិវត្ត​ថ្មី​មួយ ក្នុងការ​អភិវឌ្ឍន៍​នៅក្នុង​មូលដ្ឋាន សម្រាប់​ប្រជាពលរដ្ឋ ឧស្សាហកម្ម ទេសចរណ៍ កសិកម្ម និង​គម្រោង​បង្កើត​ឋាន​សុខដុម​នៃ​ការរស់នៅ លំហែកាយ និង​ការប្រកប​ការងារផ្សេងៗ ជាពិសេស​តាមរយៈ​ការអនុវត្តន៍​ប្លង់គោល​នេះ អាច​កាត់បន្ថយ​នូវ​ទំនាស់​ដីធ្លីផ្សេងៗ ដែល​ធ្លាប់​តែមាន​បញ្ហា​កើតឡើង​ឥតឈប់ឈរ​នៅក្នុង​មូលដ្ឋាននីមួយ៕

Source From: https://www.propertyarea.asia/saang-started-develop-master-plan-sustainable-development/

Leave a Reply

Your email address will not be published. Required fields are marked *