News

Check out real estate news updates

សម្តេចតេជោៈគ្មានគំរោងចិនណាមួយបានពន្យាពេលសាងសង់នៅកម្ពុជានោះទេ

ភ្នំពេញ: សម្តេចតេជោនាយករដ្ឋមន្រ្តីកម្ពុជាបានថ្លែងថា រហូតមកទល់ពេលនេះគ្មាន​គំរោងវិនិយោគរបស់ចិនណាមួយ បានប្រកាសឬពន្យាពន្យាពេលសាងសង់នៅកម្ពុជានោះទេ។

អញ្ជើញចូលរួមក្នុងពិធីសម្ភោធដាក់ឲ្យប្រើប្រាស់ នូវវារីអគ្គិសនីសេសាន២នៅខេត្តស្ទឹងត្រែងព្រឹកថ្ងៃទី១៧ ធ្នូនេះសម្តេចតេជោបានមានប្រសាសន៍បន្តថា រហូតមកទល់ពេ​លនេះ​ មិនមានគំរោងវិនិយោគណាមួយនៅកម្ពុជា បានប្រកាសពន្យាពេលនោះទេ ពិសេ​សផ្លូវមួយដែលជាជំនួយរបស់ចិន បានបន្តសាងសង់ក្នុងកំឡុងពេលកម្ពុជានិងពិភពលោ​កកំពុងជួបវិបត្តិសេដ្ឋកិច្ច និងហិរញ្ញវត្ថុពិភពលោកកាលពីឆ្នាំ២០០៨។

សេដ្ឋកិច្ចរបស់ប្រទេសចិនបានជួបបញ្ហាតិចតួច ក្នុងកំឡុងសង្រ្គាមពាណិជ្ជកម្មរវាងចិន និងអាមេរិក ដែលប្រធានាធិបតីដូណាល់ ត្រាំបានអនុវត្តន៍គោលនយោបាយគាំ​ពារនិយមរបស់ខ្លួន។

អ្នកនាងអាន សុធីតានាយិកាប្រចាំប្រទេសនៃក្រុមហ៊ុនCBRE Cambodiaបានថ្លែងឲ្យដឹងផងដែរថា រហូតមកទល់ពេលនេះ យើងមិនឃើញមានគំរោងអចលនទ្រព្យណា​មួយរបស់ប្រទេសចិនបានពន្យាពេលសាងសង់នោះទេ គឺគំរោងទាំងនោះនៅតែដំណើរការធម្មតា មិនមានអ្វីប្រែប្រួលទេ។

អ្នកនាងបន្តថា “គំរោងដែលមានអ្នកវិនិយោគល្អនៅតែល្អ គំរោងដែលមានបញ្ហានៅតែមានបញ្ហា តែគំរោងរបស់ចិនមិនមានការពន្យាពេលនោះទេ”។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីម​

បានមានប្រសាសន៍ថា ស្ថានភាពក្នុងវិស័យសំណង់ និងអចលនទ្រព្យកម្ពុជានៅតែមានភាពវិជ្ជមាន និងនៅតែសម្រេចបានកំនើនបន្តទៀត ពិសេសគំរោងធំៗរបស់ចិននៅកម្ពុជា មិនមានជួបបញ្ហាអ្វីនោះទេ ពួកគេនៅតែបន្តដំណើរការជាធម្មតា។

លោកបន្តថា “ដោយ​សារកត្តាសុខសន្តិភាព ស្ថេរភាពនយោបាយ និងកំណើនសេដ្ឋកិច្ចរ៉ឹងមាំ យើងគិតថាវិស័យអចលនទ្រព្យ នឹងសម្រេចបានកំនើនប្រមាណ១៥ភាគរយបន្ថែមទៀតនៅឆ្នាំ២០១៩ខាងមុខនេះ”៕

Source From: https://www.propertyarea.asia/

Leave a Reply

Your email address will not be published. Required fields are marked *