News

Check out real estate news updates

រដ្ឋាភិបាល​មានផែនការដាក់​ខេត្ត​កែប​ជា​តំបន់​ទេសចរណ៍​លំហែកាយលំដាប់​ខ្ពស់​ក្នុង​ការ​ជួយ​ជំ​រុញ​សក្តា​នុ​ពល​អល​ចន​ទ្រព្យ​

វិទ្យុជាតិកម្ពុជា​៖​ ដោយ​ លោក​ ចន​ ណារិទ្ធ​៖


រាជធានីភ្នំ​ពេញ៖​ អ្នកជំនាញ​ក្នុង​វិស័យ​អចលនទ្រព្យ​បានឱ្យ​ដឹង​ថា​ ​ការរៀបចំ​ផែនការ​របស់​រដ្ឋាភិបាល​ ដើម្បី​ដាក់​ខេត្ត​កែប​ជា​តំបន់​ទេសចរណ៍​លំហែ​រកា​យក​ម្រិ​តខ្ពស់​ ដោយ​មិន​តម្រូវឲ្យ​មាន​កាស៊ីណូ​ និង​រោងចក្រ​ សហគ្រាស​នឹង​ជួយ​អភិវឌ្ឍ​ន៍​សក្តា​នុ​ពល​ក្នុង​វិស័យ​អចលនទ្រព្យ​។


នាយិកា​ប្រចាំ​ប្រទេស​នៃ​ក្រុមហ៊ុន ​CBRE​ Cambodia​ លោកស្រី​អាន​ សុធី​តា​បាន​មានប្រសាសន៍​ឲ្យដឹង​កាលពី​ថ្ងៃទី២៨​ មិថុនា​កន្លងមក​ថា​ ខេត្ត​កែប​មាន​ហេ​រដ្ឋា​ចរ​នា​សម្ព័ន្ធ​ល្អ​ ក្នុង​ការ​ទាក់ទាញ​ការ​វិនិយោគ​ តែ​យ៉ាងណាក៏ដោយ​ខេត្ត​នេះ​ក៏​មានផល​វិជ្ជមាន​ខ្លះ​ដែរ​ដូចជា​មាន​ប្រជាពលរដ្ឋ​រស់នៅ​តិច​ ​ជា​តំបន់​អភិវឌ្ឍន៍​ថ្មី​ ​ព្រោះថា​បើ​ចង់​វិនិយោគ​លើ​វិស័យ​រមណីយដ្ឋាន​ គេ​ត្រូវ​ការ​អល​ចន​ទ្រព្យ​ បច្ចេកវិទ្យា​ និង​ប្រជាពលរដ្ឋ​រស់នៅ​ទីនោះ​។
លោកស្រី​បន្ត​ថា​ ដី​នៅក្នុង​ខេត្ត​កែប​នា​ពេល​បច្ចុ​ប្ប​នុ្ន​ មានតម្លៃ​ចន្លោះ ៥០០​ ទៅ១០០០​ ដុល្លារ​សហរដ្ឋអាមេរិក​សំរាប់​តំបន់​ពាណិជ្ជកម្ម​ តែ​ដី​សម្រាប់​សាងសង់​លំនៅឋាន​មានតម្លៃ​ចន្លោះ៥០​ ទៅ៣០០ដុល្លារ​សហរដ្ឋអាមេរិក​។

នាយិកា​ក្រុមហ៊ុន​អចលនទ្រព្យ​ AMATAK​ Property​ Service​ លោកស្រី​ តាំង​ ហួរ​ បាន​មានប្រសាសន៍​ថា​ ខេត្ត​កែប​ជា​តំបន់​ទេសចរណ៍​ដ៏​ស្រស់​ស្អាត​ ហើយក៏​កំពុង​ទាមទារ​ឱ្យ​មានការ​រៀបចំ​ និង​អភិវឌ្ឍ​ក្នុង​វិស័យ​ទេសចរណ៍​បន្ថែម​ទៀត​។

លោកស្រី​បាន​បន្ត​ទៀត​ថា​ “បើ​ទោះជា​រាជរដ្ឋាភិបាល​ សម្រេច​មិន​ឱ្យ​មាន​រោងចក្រ​ និង​មណ្ឌល​កម្សាន្ត​កាស៊ីណូ​យ៉ាងណាក៏ដោយ​ ក៏​ខេត្ត​មួយ​នេះ​នៅតែ​មាន​សក្ដានុពល​ផ្នែក​អចលនទ្រព្យ​ដដែល​”។

លោកស្រី​តាំង​ ហួរ​បាន​បន្ត​ទៀត​ថា​ ជា​រៀងរាល់​ឆ្នាំ​ តម្លៃ​អចលនទ្រព្យ​ និង​វិស័យ​ដីធ្លី​នៅក្នុង​ខេត្ត​មួយ​នេះ​ មានការ​កើនឡើង​ជាប្រចាំ​។ ការ​កើនឡើង​នូវ​តម្លៃ​ដី​នៅក្នុង​ខេត្ត​នេះ​គឺ​មិន​ស្មើគ្នា​នោះ​ទេ​ ដែល​វា​អាស្រ័យ​ទៅតាម​ស្ថានភាព​ទីតាំង​ និង​ទំហំដី​។
​ ឯកឧត្តម​​ ថោង​ ខុន​ រដ្ឋមន្ត្រី​ក្រសួងទេសចរណ៍​ ធ្លាប់​បានឱ្យ​ដឹង​កន្លងមក​នេះ​ថា​ រាជ​រដ្ឋាភិបាល​ បានសម្រេច​ឱ្យ​ក្រសួង ទេសចរណ៍​ដឹកនាំ​ការសិក្សា​ អំពី​ការរៀបចំ​ផែនការមេ​អភិវឌ្ឍន៍​ខេត្ត​កែប​ ដែល​ជា​ខេត្ត​ជាប់​ឆ្នេរសមុទ្រ​មួយ​របស់​កម្ពុជា​ ឱ្យ​ក្លាយទៅជា​ «តំបន់​ទេសចរណ៍​សម្រាកលំហែ​កម្រិតខ្ពស់​» សំដៅ​ទាក់ទាញ​ភ្ញៀវ​ទេសចរ​មក​ទស្សនា​កម្ពុជា​ឱ្យ​កាន់តែ​ច្រើន​។​ឯកឧត្តម​​បាន​បន្ត​ថា​ ការ​អភិវឌ្ឍ​ខេត្ត​កែប​ ឱ្យ​ក្លាយទៅជា​តំបន់​ទេសចរណ៍​សម្រាកលំហែ​កម្រិតខ្ពស់​នេះ​ គឺ​រាប់បញ្ចូល​ទាំង​ទីក្រុង​ ឆ្នេរខ្សាច់​ កោះ​ ផ្សារ​ កំពង់ផែ​ទេសចរណ៍​ ភូមិដ្ឋាន​ប្រជាពលរដ្ឋ​ មូលដ្ឋាន​អាជីវកម្ម​សេវាកម្ម​ទេសចរណ៍​ ក៏ដូចជា​រមណីដ្ឋាន​ទេសចរណ៍​នានា​ផង​ដែរ​ ប៉ុន្តែ​អាច​នឹង​មិន​មានការ​បង្កើត​ឱ្យ​មាន​ «កាស៊ីណូ​» និង​រោងចក្រ​សហគ្រាស​ឡើយ​។

ក្រសួងទេសចរណ៍​ក៏បាន​លើកទឹកចិត្ត​ ឱ្យ​មានការ​បង្កើត​លំនៅ​ដ្ឋាន​ទី២​ សម្រាប់​ភ្ញៀវ​ទេសចរ​វ័យ​ចំណាស់​ ឬចូលនិវត្តន៍​នៅ​ខេត្ត​កែប​នេះ​ផង​ដែរ​ ដើម្បី​ឱ្យ​ពួកគេ​ពន្យារពេល​ក្នុង​ការ​ទស្សនា​ និង​ស្នាក់នៅ​ក្នុងរយៈពេល​យូរ​ក្នុង​ប្រទេស​កម្ពុជា​ ដែល​ជំរុញ​ឱ្យ​ពួកគេ​មានការ​ចំណាយ​ច្រើន​។
​ ក្រៅពី​គម្រោង​អភិវឌ្ឍន៍​ខេត្ត​កែប​ ទៅជា​តំបន់​ទេសចរណ៍​សម្រាកលំហែ​កម្រិតខ្ពស់​ រាជរដ្ឋាភិបាល​ក៏បាន​សម្រេច​លើ​ការសិក្សា​រៀបចំ​ «ខេត្តកំពត​ទៅជា​តំបន់​ទេសចរណ៍​វប្បធម៌​បេតិកភណ្ឌ​ និង​កសិ​ទេសចរណ៍​» ក្នុង​ពេល​ដែល​រាជរដ្ឋាភិបាល​បាន​ និង​កំពុង​សាងសង់​កំពង់ផែ​ទេសចរណ៍​អន្តរជាតិ​មួយ​ ក្នុង​គម្រោង​កិច្ច​សហប្រតិបត្តិ​ការ​មហា​អនុ​តំបន់​ទន្លេមេគង្គ​ ដែល​អាច​នឹង​បញ្ចប់​នៅដើម​ឆ្នាំ២០២០​ ខាងមុខ​ផង​ដែរ​៕

Source From: https://www.information.gov.kh/detailnews/314534

Leave a Reply

Your email address will not be published. Required fields are marked *