News

Check out real estate news updates

រដ្ឋមន្ត្រីក្រសួង​ដែនដី៖ ក្រសួង​នឹងមិន​ចេញ​លិខិត​អនុ​ញ្ញា​ត្ត​ឲ្យ​សាងសង់​បើ​គំរោង​ណាមិន​ធ្វើ​អាង​ប្រព្រឹត្ត​កម្ម​ទឹក​កខ្វក់

ភ្នំពេញ៖ មន្ត្រីជាន់ខ្ពស់​ក្រសួង​រៀបចំ​ដែនដី នគរូបនីយកម្ម និង​សំណង់​បាន​ព្រមាន ថា ក្រសួង​នឹងមិន​ចេញ​ច្បាប់​អនុ​ញ្ញា​ត្ត​ឲ្យ​សាងសង់ លើ​សំណង់​ណាមួយ​ដែល​មិនបាន​ធ្វើ​អាង​ព្រ​ព្រឹត្តិ​កម្ម​ទឹក​កខ្វក់​ជាមុន​ទេនោះ។

ឧបនាយករដ្ឋមន្ត្រី រដ្ឋមន្ត្រីក្រសួង​រៀបចំ​ដែនដី នគរូបនីយកម្ម និង​សំណង់​លោក​ជា សុផារ៉ា បាន​ថ្លែង​ក្នុង​ពិធី​បិទ​សន្និបាត​បូកសរុប​ការងារ​ប្រចាំ២០១៨ កាលពីដើម​សប្តាហ៍​នេះ​ថា ដើម្បី​ចូលរួម​កែលម្អ​ការកកស្ទះ​លូ ដើម្បី​បរិស្ថាន និង​ដើម្បី​យើងទាំងអស់គ្នា ក្រសួង​រៀបចំ​ដែនដី នគរូបនីយកម្ម និង​សំណង់ នឹង​រៀបចំ​ហេដ្ឋារចនាសម្ព័ន្ធ​ថ្មី ដើម្បី​ជម្រុញ​ការ​គ្រង់​គ្រង​ផ្នែក​អចលនទ្រព្យ​សំណង់ ឲ្យ​មាន​តម្លាភាព និង​ប្រសិទ្ធភាព ជាពិសេស​កា​រស់នៅ​រប​ស់​ប្រជាពលរដ្ឋ​ប្រកបដោយ​ភាព​សុខុមរ​មនា។

លោក​បន្តថា “ការសាងសង់​បុរី សណ្ឋាគារ  ភោ​ជ្ជ​នី​យ​ដ្ឋា​ន និង​អាគារធំៗជាដើម ម្ចាស់​អាជីវកម្ម​ត្រូវតែ​ធ្វើ​ប្លង់​អាង​ប្រ​ព្រិ​ត្ត​កម្ម​ទឹក​កខ្វក់​ជាមុន ទើប​ក្រសួង​អនុញ្ញាតិ​ចេញ​ប្លង់​ឲ្យ​សាងសង់​សំណង់។លោក​បន្តថា “ឈរ​នៅលើ​គោលការណ៍​ថ្មី​នេះ ក្រសួង​រៀបចំ​ដែនដី នគរូបនីយកម្ម និង​សំណង់ នឹងមិន​អនុញ្ញាតិ​ចេញ​ប្លង់​ឲ្យ​សាងសង់ ដូចជា ការសាងសង់​បុរី សណ្ឋាគារ ភោ​ជ្ជ​នី​យ​ដ្ឋា​ន អាគារធំៗនានា​ជាដើម ប្រសិនបើ​ម្ចាស់​អាជីវកម្ម​នោះ មិនបាន​គិតគូ​ដល់​ការរៀបចំ​ប្លង់​អាង​ប្រ​ព្រិ​ត្ត​កម្ម​ទឹក​កខ្វក់​ជាមុន​ទេនោះ។

លោក​ឧបនាយករដ្ឋមន្ត្រី ជា សុផារ៉ា​បាន​បន្តទៀតថា ចំពោះ​លំនៅឋាន​ឯកជន​វិញ ម្ចាស់​លំនៅឋាន ត្រូវខិតខំ​ស្វែងរក​ក្រុមហ៊ុន ដើម្បី​ធ្វើ​អាង​ប្រ​ព្រិ​ត្ត​កម្ម​ទឹក​កខ្វក់​នៅតាម​គ្រួសារ ព្រោះ​កាលណា​យើង​មាន​អាង​ប្រ​ព្រិ​ត្តគ្រប់ៗគ្នា គឺជា​ការកាត់បន្ថយ​បាន​នូវ​ជាតិពុល ឬ​ជាតិ​ស្អុយ​នានា​បានជា​អតិបរិមា ហើយ​ចំពោះ​ជំហាន​បន្ទាប់ យើង​ត្រូវ​រៀបចំ​អាង​ប្រ​ព្រិ​ត្ត​កម្ម​ជា​ពីរ គឺ​ប្រព័ន្ធ​ប្រ​ព្រិ​ត្ត​កម្ម​ទឹក​កខ្វក់ និង​ប្រព័ន្ធ​ប្រ​ព្រិ​ត្ត​កម្ម​ទឹកភ្លៀង​ឲ្យ​ដាច់ពីគ្នា ដែលជា​ទិសដៅ​ជា​យុទ្ធសាស្ត្រ​យូរអង្វែង​សម្រាប់​ប្រទេសជាតិ​យើង​ទាំងមូល។

ប្រធាន​សមាគម​អ្នក​អភិវឌ្ឍន៍​លំនៅដ្ឋាន​កម្ពុជា លោក​ឧកញ៉ា លី ហួរ បាន​មានប្រសាសន៍ថា វិស័យ​ឯកជន​គាំទ្រ​ការលើកឡើង​របស់​ឯក​ឧ​ត្ត​ម​ឧបនាយករដ្ឋមន្ត្រី ហើយ​បុរី​លំនៅដ្ឋានធំៗបាន និង​កំពុង​អនុវត្តន៍​ការងារ​នេះហើយ ព្រោះ​បើ​យើង​មិន​អនុវត្តន៍​បែបនេះ ក្រសួង​នឹងមិន​ចេញ​លិខិត​អនុ​ញ្ញា​ត្ត​ឲ្យ​សាងសង់​នោះទេ។លោក​ឧកញ៉ា​បន្តថា អ្វីដែល​ថ្នាក់ដឹកនាំ​ក្រសួង​លើកឡើង ជាការ​ជម​រុញ​ឲ្យ​អ្នក​សាងសង់​ផ្ទះ២០ ទៅ៣០ល្វែង​ឲ្យ​គោរព​នូវ​ស្តង់ដា​នេះ ព្រោះ​គំរោង​ខ្លះ​មិនបាន​អនុវត្តន៍​បែបនេះ​ទេ។

លោក​បន្តថា “នេះ​ជាការ​អនុវត្តតាម​ស្តង់ដា​អន្តរជាតិ ព្រោះ​ដើម្បី​កាត់បន្ថយ​ការបំពុល​បរិស្ថាន និង​ទឹក​កខ្វក់​ចូលក្នុង​បរិយាកាស។លោក​បន្តថា “នេះ​ជាការ​អនុវត្តតាម​ស្តង់ដា​អន្តរជាតិ ជាទូទៅ​គេ​អនុវត្ត​បែបនេះ ដោយ​ធ្វើ​អាង​ស្តិ​ប​ទិ​ក​នៅតាម​លំនៅដ្ឋានមួយៗ ហើយ​បង្ហូរ​ចូល​អាង​ចម្រោះ​ធំ មុន​បង្ហូរ​ចូល​ប្រឡាយ ឬ​ប្រ​ព័​ន្ឋ​លូធំ”៕

Source From: https://www.propertyarea.asia

Leave a Reply

Your email address will not be published. Required fields are marked *