News

Check out real estate news updates

ភ្នំពេញ៖ ក្រុមហ៊ុន ROYAL GROUP Of Company របស់​ឧកញ៉ា​គិត ម៉េង ប្រធានសភា​ពាណិជ្ជកម្ម​កម្ពុជា បាន​សហការ​ជាមួយ​ក្រុមហ៊ុន HLH Development PTE LTD) សឹង្ហ​បុរី ដើម្បី​សាងសង់​អាគារ​ពាណិជ្ជក​ម្ម​នៅ​ខ័​ណ្ឌ​ទួលគោក រាជធានី​ភ្នំពេញ។

ក្រោយ​បញ្ចប់​ពិធី​ចុះហត្ថលេខា​ទ្វេរ​ភាគី នៅ​សណ្ឋាគារ​កាំបូឌី​យ៉ា កាលពី​ថ្ងៃទី១ ខែវិច្ឆិកា ឆ្នាំ២០១៨កន្លងមកនេះ រវាង​លោក​Hanna Mark នាយក​ផ្នែក​ហិរញ្ញវត្ថុ នៃ​ក្រុមហ៊ុន​រ៉ូយ៉ាល់​គ្រុប​បាន​ឲ្យ​ដឹងថា បន្ទាប់ពីរ​ក្រុមហ៊ុន​ទាំងពីរ​ចុះ​កិច្ចព្រមព្រៀង​រួចមក កំឡុងពេល០៣ខែ​ខាងមុខ​ទៀត គម្រោង​នេះ​នឹង​ចាប់ផ្ដើម​សាងសង់​ឡើងលើ​ផ្ទៃដី​សរុប​ជាង៨ពាន់​ម៉ែត្រក្រឡា។

ការសហការ​គ្នា​នេះ ក្រុមហ៊ុន Royal Group Of Company ជា​អ្នកផ្តល់​ដី​សម្រាប់​វិនិយោគ​គំរោង​នេះ និង​ក្រុមហ៊ុន​សឹង្ហ​បុរី​ជា​អ្នកវិនិយោគ​សាងសង់​អាគារ។

លោក Ryan Ong នាយក​ប្រតិបត្តិ​ក្រុមហ៊ុន អេ​ច អិ​ល អេ​ច បាន​មានប្រសាសន៍​បន្ទាប់ពី​ចុះ​កិច្ចព្រមព្រៀង​នេះ​ថា ក្នុងនាម​ជា​ក្រុមហ៊ុន​ដែល​បាន​ចុះបញ្ជីរ​ក្នុង​ផ្សារ​ហ៊ុន មកពី​ប្រទេស​សឹង្ហ​បុរី និង​មាន​ប្រមូល​បទពិសោធន៍​ជាច្រើន​ឆ្នាំ នៅក្នុង​ការសាងសង់​អចលនទ្រព្យ និង​អចលនទ្រព្យ​នៅក្នុង​ប្រទេស​សិង្ហ​បុរី​តាំងពី​ឆ្នាំ១៩៨៨ យើង​ប្តេជ្ញា​នាំមក​នូវ​ជំនាញ និង​វិជ្ជាជីវៈ​ខ្ពស់​ដល់​ការអភិវឌ្ឍន៍​នៅ​កម្ពុជា។

លោក​បន្តថា “ពួកយើង​អាច​កំណត់ថា សំណង់​នៃ​ការអភិវឌ្ឍន៍ នឹងត្រូវ​សាងសង់ឡើង ប្រកបដោយ​គុណភាព​ដែលមាន​ការធានា និង​មាន​ស្តង់ដា​សាងសង់​លក្ខណៈ​អន្តរជាតិ។

លោក​បាន​សម្តែង​សុទិដ្ឋិនិយម​ថា គំរោង​អភិវឌ្ឍ​ថ្មី​នេះ បូករួម​ជាមួយនឹង​ជំនាញ​ដ៏​ធំធេង​របស់​ក្រុមហ៊ុន ទាំងពីរ​ក្នុងការ​អភិវឌ្ឍ​អចលនទ្រព្យ នឹង​ផ្តល់​ផលប្រយោជន៍​យ៉ាងច្រើន​ដល់​អ្នកទិញ ហើយនឹង​លើកកម្ពស់​ជីវភាព​រស់​នៅ របស់​ប្រជាជន​នៅ​កម្ពុជា​បន្ថែមទៀត៕

Leave a Reply

Your email address will not be published. Required fields are marked *