News

Check out real estate news updates

ព្រលានយន្តហោះ​ខេត្តស្ទឹងត្រែង ត្រូវបាន​ដាក់បញ្ចូល​ក្នុង​ផែនការអភិវឌ្ឍន៍

ភ្នំពេញ៖ មន្ត្រីជាន់ខ្ពស់​រដ្ឋលេខា​ធិ​ការ នៃ​រដ្ឋលេខាធិការដ្ឋាន​អាកាសចរណ៍​ស៊ីវិល​បាន​ថ្លែង​ឲ្យ​ដឹងថា ព្រលានយន្តហោះ​ខេត្តស្ទឹងត្រែង ត្រូវបាន​រដ្ឋាភិបាល​ដាក់បញ្ចូល​ក្នុង​គំរោង​អភិវឌ្ឍន៍​រួចហើយ។

លោក ស៊ិន ចាន់​សិរី​វុត្ថា អ្នកនាំពាក្យ​ស្ថាប័ន​ខាងលើនេះ បាន​មានប្រសាសន៍​ឲ្យ​ដឹង​តាម​ទូរស័ព្ទ​នៅ​រសៀល​ថ្ងៃទី២៩ វិច្ឆិកា​នេះ​ថា ព្រលានយន្តហោះ​ខេត្តស្ទឹងត្រែង ត្រូវបាន​ដាក់បញ្ចូល​ក្នុង​ផែនការអភិវឌ្ឍន៍​ជាមួយ​គំរោង​ផ្សេងទៀត ដូចជា ទឹកស្អាត និង​ឡូ​ជី​ស្ទិ​ក​រួចហើយ ប៉ុន្តែ​ការដាក់បញ្ចូល​ក្នុង​ផែនការអភិវឌ្ឍន៍​នេះ ត្រូវការ​ការសិក្សា​រយៈ​ពេល​វែង ដើម្បី​ពិនិត្យមើល​ពី​ចំណុច​អាទិភាព និង​ផលប្រយោជន៍​ដែល​ទទួលបាន​ការអភិវឌ្ឍ​នេះ។

លោក​បន្តថា “ផែនការ​សាងសង់​ព្រលាន​នេះ​នឹងត្រូវ​ឆ្លងកាត់ ការពិនិត្យ​ពិច័យ​ជាច្រើន​ពី​អ្នកជំនាញ នៃ​ដៃគូ​អភិវឌ្ឍន៍​មុន​សម្រេច​សាងសង់​ឬ​អត់?។ ហេតុនេះ​វា​មិន​ប្រាកដថា​គំរោង​នេះ នឹង​ជាប់​ក្នុង​ផែនការ​អាទិភាព​របស់​រដ្ឋាភិបាល​ទេ។លោក​បន្តថា “ព្រលានយន្តហោះ​នេះ អាច​ចំណាយ​ថវិកា​វិនិយោគ​ចន្លោះ​ពី៥០ ទៅ៦០លាន​ដុល្លារ​អាមេរិក ព្រោះ​ព្រលាន​នេះ​មាន​ដី​ស្រាប់​រួចហើយ។

លោក​ស៊ិន ចាន់​សិរី​វុត្ថា​បាន​បន្តថា គំរោង​សាងសង់​ព្រលានយន្តហោះ​ខេត្តស្ទឹងត្រែង​នេះ បាន​ដាក់ជូន​ក្រសួង​សេដ្ឋកិច្ច និង​ហិរញ្ញវត្ថុ ហើយ​ក្រសួង​ដាក់ជូន​ដៃគូ​អភិវឌ្ឍន៍​គឺ​ធនាគារអភិវឌ្ឍន៍អាស៊ី ដើម្បី​ធនាគារ​នេះ​ស្វែងរក​ដៃគូ​វិនិយោគ។

លោក​ពេជ្រ សុ​ប៉ុន​តារា​ប្រធាន​ផ្នែក​បង្កើន​ជើងហោះហើរ នៃ​ក្រុមហ៊ុន​អាកាសយានដ្ឋាន​កម្ពុជា​បាន​ថ្លែងថា ក្រុមហ៊ុន​វិនិយោគ​ព្រលានយន្តហោះ​នេះ បាន​សិក្សា​ពី​សក្តានុពល​នៃ​ការសាងសង់​ព្រលានយន្តហោះ​ក្នុងស្រុក លើ​គ្រប់​បណ្តា​ខេត្ត​រួចហើយ ហើយ​បាន​រកឃើញថា ខេត្តស្ទឹងត្រែង បាត់ដំបង និង​ព្រះវិហារ​ជា​ខេត្ត​មាន​សក្តានុពល​អាច​វិនិយោគ​ព្រលានយន្តហោះ​បាន។លោក​បន្តថា បន្ទាប់ពី​សិក្សា​ចប់​ក្រុមហ៊ុន​បា​ន្ត​ល់​អនុសាសន៍​ឲ្យ​រដ្ឋាភិបាល​វិនិយោគ​ព្រលាន​ទាំងបី​នេះ ប៉ុន្តែ​រហូតមកទល់​ពេលនេះ អ្វីៗមិនទាន់មាន​ព៌​ត​មាន​វិវិត្ត​ន៍​ទេ។

លោក​បន្តថា “ក្រុមហ៊ុន​វិនិយោគ​ព្រលានយន្តហោះ​កម្ពុជា គ្រប់គ្រង​ប្រ​លាន​យន្តហោះ​អន្តរជាតិ​ទាំងបី ប៉ុន្តែ​បើ​រដ្ឋាភិបាល​អនុ​ញ្ញា​ត្ត​ឲ្យ​ក្រុមហ៊ុន​វិនិយោគ​ព្រលាន​ដទៃទៀត យើង​នឹងសិក្សា​ពី​បញ្ហា​នេះ។

Leave a Reply

Your email address will not be published. Required fields are marked *