News

Check out real estate news updates

ប្រធាន ADB អះអាងថា សេដ្ឋកិច្ចកម្ពុជា​នឹង​សម្រេចបាន​កំនើន ៧ភាគរយរយៈពេល​វែង​បន្តទៀត

ភ្នំពេញ៖ តំណាង​ថ្មី​នៃ​ធនាគារអភិវឌ្ឍន៍អាស៊ី (ADB) ថ្មី ប្រចាំ​កម្ពុជា​បាន​អះអាងថា សេដ្ឋកិច្ចកម្ពុជា នឹង​បន្តរ​សម្រេចបាន​កំនើន​រយៈពេល​វែង​បន្តទៀត ខណៈ​ធនាគារ​នេះ​កំពុង​គាំទ្រ​កម្ពុជា ដើម្បី​សម្រេច​គោលដៅ​ឆ្នាំ២០៥០ ។

ក្នុងជំនួប​ជាមួយ​លោក​គាត ឈន់​ប្រធានកិត្តិយស​ឧ​ត្ត​ម​ក្រុមប្រឹក្សា​សេដ្ឋកិច្ចជាតិ​នា​ព្រឹក​ថ្ងៃទី២៧ វិច្ឆិកា​នេះ លោកស្រី Sunniya Durrani-Jamal នាយិកា​ធនាគារអភិវឌ្ឍន៍អាស៊ី​ប្រចាំ​កម្ពុជា​បាន​ថ្លែងថា ធនាគារ​នេះ​បាន​កំពុង​ធ្វើ​កិច្ចសហប្រតិបត្តិការ និង​កំពុង​ចូលរួម​ជួយ​កម្ពុជា ដើម្បី​ធ្វើ​ឲ្យ​សម្រេច​ចក្ខុវិស័យ​កម្ពុជា ក្លាយជា​ប្រទេស​មាន​ប្រាក់ចំណូល​ខ្ពស់​នៅ​ឆ្នាំ២០៥០ ក្នុងទិសដៅ​ជម្រុញ​អភិវឌ្ឍន៍​កម្ពុជា ឲ្យ​ទទួលបាន​កា​រីកចម្រើន​យ៉ាង​ឆាប់រហ័ស។

លោកស្រី​បាន​បន្តថា “សេដ្ឋកិច្ចកម្ពុជា​ត្រូវបាន​រំពឹងថា នឹង​រក្សា​កំណើនសេដ្ឋកិច្ច​រយៈពេល​វែង​ប្រកបដោយ​ចីរភាព​ក្នុង​រង្វង់៧ភាគរយ​ក្នុងមួយឆ្នាំៗ និង​បាន​កាត់បន្ថយ​ភាពក្រីក្រ​បាន​លើស១ភាគរយ​ក្នុង​មួយឆ្នាំ​ផងដែរ។

លោក​ឧបនាយករដ្ឋមន្ត្រី គាត ឈន់ ប្រធានកិត្តិយស​ឧ​ត្ត​ម​ក្រុមប្រឹក្សា​សេដ្ឋកិច្ចជាតិ  បាន​អបអរសាទរ​ចំពោះ​លោកជំទាវ Sunniya Durrani Jamal ដែល​ទទួលបាន​ភារកិច្ច​ថ្មី ជា​នាយិកា​ស្ថាន​តំណាង​ធនាគារអភិវឌ្ឍន៍អាស៊ី​ប្រចាំ​កម្ពុជា និង​បាន​ជូនពរ​ឱ្យ​លោកជំទាវ​ទទួលបាន​ជោគជ័យ ក្នុង​បេសកកម្ម​របស់លោក​ជំទាវ​នៅ​កម្ពុជា ហើយ​ជោគជ័យ​នេះ​គឺជា​ជោគជ័យ​របស់​យើងទាំងអស់គ្នា ជាពិសេស​ការចូលរួម​អភិវឌ្ឍ​ជាមួយ​ប្រទេស​កម្ពុជា ដែល​បច្ចុប្បន្ន​ជា​ប្រទេស​មាន​ចំណូល​មធ្យម នឹងមាន​ចក្ខុវិស័យ​ប្រែក្លាយ​ខ្លួន​ទៅជា​ប្រទេស​មាន​ចំណូល​ខ្ពស់​នៅ​ឆ្នាំ២០៥០ ក្នុងនោះ​កម្ពុជា​បាន​កំពុង​ដាក់ចេញ​នូវ​គោលនយោបាយ​អភិវឌ្ឍន៍​វិស័យ​ឧស្សាហកម្ម​កម្ពុជា​ឆ្នាំ ២០១៥-២០២៥ផងដែរ។

ក្នុង​រយៈពេល​ប៉ុន្មាន​ឆ្នាំ​មកនេះ ​ADB បានផ្តល់​ហិរញ្ញប្បទាន​សហប្រតិបត្តិកា​រ សរុប​ចំនួន​ប្រមាណ២,៧៥០លាន​ដុល្លារ​អាមេរិក សម្រាប់​កម្មវិធី​និង​គម្រោង​អភិវឌ្ឍន៍ ព្រមទាំង​ជំនួយ​បច្ចេកទេស សម្រាប់​កសាង​សមត្ថភាព​ស្ថាប័ន​រាជរដ្ឋាភិបាល ដែល​ក្នុងនោះ​ឥណទាន​សម្បទាន មាន​ទឹកប្រាក់​សរុប​ចំនួន​ប្រមាណ២,២៩៩លាន​ដុល្លារ​អាមេរិក សម្រាប់​អនុវត្ត​កម្មវិធី​គម្រោង​ចំនួន៩៨ និង​ហិរញ្ញប្បទាន​ឥត​សំណង​មាន​ទឹកប្រាក់​សរុប​ចំនួន ប្រមាណ៤៥៥លាន​ដុល្លារ​អាមេរិក សម្រាប់​អនុវត្ត​កម្មវិធី​គម្រោង​ចំនួន៤៩បញ្ហា​បានបង្ហាញ​ពី​ការប្តេជ្ញា បន្ត​ពង្រឹង​ភាពជា​ដៃគូ​ដ៏​រឹងមាំ​របស់ ADB  ជាមួយ​រាជរដ្ឋាភិបាល​កម្ពុជា៕

Source From: https://www.propertyarea.asia

Leave a Reply

Your email address will not be published. Required fields are marked *