News

Check out real estate news updates

បណ្តា​ខេត្ត​នៅ​ភាគ​ពាយ័ព្យ​មាន​អ្វី​ពិសេស​សម្រាប់​អភិវឌ្ឍន៍​វិស័យ​អចល​ទ្រព្យ

ភ្នំពេញ៖ ផ្លួ​វ​ជាតិ​លេខ៥បាននិងកំពុង​ចាប់ផ្តើម​ពង្រីក ខណៈ​ខ្សែ​រថភ្លើង​ពី​ក្រុង​ប៉ោយប៉ែត មកកាន់​រាជធានី​ភ្នំពេញ​ត្រូវបាន​ត​ភ្ជាប់ ដែល​ធ្វើ​ឲ្យ​តំបន់​ភាគ​ពាយ័ព្យ​កាន់តែ​សមាហរណកម្ម​មក​ផ្ទៃក្នុង​ប្រទេស។

ការពង្រីក​ហេ​ដ្ឋា​រចនា​ស​ម្ព័​ន្ឋ​នេះ ជា​ផ្នែក​មួយ​នៃ​ការតភ្ជាប់​សហគមន៍​សេដ្ឋកិច្ច​អាស៊ាន និង​គោលនយោបាយ​ផ្លួ​វ​សូត្រ(ខ្សែក្រវ៉ាត់​មួយ ផ្លូវ​មួយ)នៃ​មហា​យក្ស​ចិន ហើយ​ប្រទេស​កម្ពុជា និង​ប្រទេស​ថៃ​កំពុង​ចាប់ផ្តើម​ធ្វើការ​ជាមួយគ្នា​កាន់តែ​សកម្ម​ជាង​មុន ដើម្បី​ផលប្រយោជន៍​នៃ​ប្រទេស​ទាំងពីរ ក៏ដូចជា​ធ្វើ​ឲ្យ​សហគមន៍​សេដ្ឋកិច្ច សង្គម វប្ប​ធ៌​ម​អាស៊ាន​កាន់តែ​រស​រវើក។

អ្នកវិនិយោគ​អចលនទ្រព្យ​នៅ​តំបន់​នេះ ពិសេស​ក្រុង​ពោធិសាត់​និង​បាត់ដំបង​លោក​ឧកញ៉ា​ភួ ពុ​យ​ប្រធានសភា​ពាណិជ្ជកម្ម​ខេត្តបាត់ដំបង​បាន​មានប្រសាសន៍​ឲ្យ​ដឹង​កាលពីពេលថ្មីៗនេះ​ថា ខេត្តពោធិសាត់ បាត់ដំបង​មាន​សក្តានុពល​អភិវឌ្ឍ​ន៍​ខ្ពស់ ដោយសារ​ជីវភាព​ប្រជាពលរដ្ឋ​មាន​ភាពល្អប្រសើរ ពិសេស​ខេត្តពោធិសាត់​ជា​ខេត្ត​មានការ​រីកចម្រើន និង​មាន​ប្រជាជនមាន​ជីវភាព​ថ្នាក់កណ្តាល​ភាគច្រើន ជាហេតុ​ធ្វើ​ឲ្យ​លោក​វិនិយោគ​សាងសង់​ផ្សារ និង​បុរី​នៅក្នុង​ទីក្រុង​នេះ។

លោក​បន្តថា “គំរោង​ស្ថាបនា​ផ្លួ​វ​ពី​ខេត្តបាត់ដំបង ឆ្លងកាត់​ខេត្តពោធិសាត់ ទៅកាន់ ខេត្តកោះកុង​នឹងធ្វើ​ឲ្យ​ការអភិវឌ្ឍន៍​សេដ្ឋកិច្ចសង្គម​ក្នុង​ខេត្ត ពិសេស​ការដឹកជញ្ជូន​កសិផល​កាន់តែ​ប្រសើរ។

រដ្ឋលេខាធិការ​ក្រសួង​ឧស្សាហកម្ម និង​សិប្បកម្ម​លោក​ហេង សុខ​គង់​បាន​ថ្លែងថា រដ្ឋាភិបាល​គ្រោង​រៀបចំ​តំបន់ឧស្សាហកម្ម និង​សួន​ឧស្សាហកម្ម​នៅតាម​បណ្តោយ​ផ្លូវជាតិ​លេខ៥ ដើម្បី​ទទួលបាន​ផលប្រយោជន៍​ពី​ការដឹកជញ្ជូន​ទំនិញ​ឆ្លងកាត់​តាម​បណ្តោយ​ផ្លូវ​នេះ ព្រោះ​កម្ពុជា​ស្ថិតនៅ​ចំណុចកណ្តាល​រវាង​ប្រទេស​ធំ​ពីរ​ក្នុង​តំបន់​គប្រ​ទេស​វៀតណាម និង​ប្រទេស​ថៃ។

ថ្នាក់ដឹកនាំ​ខេត្ត​នៅតាម​បណ្តោយ​ផ្លូវ ស្ថិតនៅ​តំបន់​ភូមិភាគ​ពាយ័ព្យ​នេះ​កំពុង​រីករាយ​នឹង​មនុញ្ញផល​នេះ។

លោក​ងួន រតនៈ​អភិបាលខេត្ត​បាត់ដំបង​បាន​ថ្លែងថា ការតភ្ជាប់​ផ្លូវដែក​នេះ បាន​ផលប្រយោជន៍​ច្រើនណាស់ ព្រោះ​បណ្តាញ​ផ្លូវ​នេះ​នឹង​ជួយ​សម្រាល​ការដឹកជញ្ជូន​ឆ្លងកាត់​ផ្លូវជាតិ​លេខ៥ និង​អាច​ដឹកជញ្ជូន​កម្រិតធ្ងន់​បាន​ច្រើន កាត់បន្ថយ គ្រោះថ្នាក់​ចរាចរណ៍ និង​អាចជួយ​សម្រួលការ​ធ្វើដំណើ​រ​របស់​ប្រជាពលរដ្ឋ។លោក​បន្តថា កាលពី​ជំនាន់​ទសវត្សរ៍​ទី៨០ បើ​ធ្វើដំណើរ​ពី​ក្រុង​បាត់ដំបង មកកាន់​រាជធានី​ភ្នំពេញ​ត្រូវ​ដេក​ផ្លូវ​រហូតដល់​ពីរ​យប់។

លោក​បន្តថា “ប្រសិនជា​រថភ្លើង​ដាក់​ដំណើរការ អាច​រត់​ក្នុង​ល្បឿន​លឿន នឹងមាន​មនុស្ស​ធ្វើដំនើរ​ច្រើន ហើយ​ខេត្ត​នឹង​ទទួលបាន​ផលប្រយោជន៍​ច្រើន​ពី​ការឆ្លងកាត់​នេះ​នាពេល​អនាគត។

លោក​សន សៀ​ប​ស្ថាបនិក​ក្រុមហ៊ុន​អចលនទ្រព្យ Key Real Estate បាន​ថ្លែងថា នៅតាម​បណ្តោយ​ផ្លូវជាតិ​លេខ៥ នា​តំបន់​ភូមិភាគ​ពាយ័ព្យ​គឺ​ក្រុង​បាត់ដំបង និង​ក្រុង​ប៉ោយប៉ែត ជា​តំបន់​មាន​សក្តានុពល​និង​ទាក់ទាញ​ជាងគេ។ ចំណែក​ក្រុង​សិរីសោភ័ណ ខេត្តបន្ទាយមានជ័យ គ្រាន់តែ​ជា​តំបន់​ឆ្លងកាត់​ប៉ុណ្ណោះ។លោក​បន្តថា ក្រុង​បាត់ដំបង ជា​ក្រុងមាន​សក្តានុពល និង​ជា​តំបន់​មានការ​អភិវឌ្ឍ​លំដាប់​ទី៤ បន្ទាប់ពី​រាជធានី​ភ្នំពេញ ខេត្តសៀមរាប និង​ក្រុងព្រះសីហនុ ដូច្នេះ​ប្រសិន​ជាមាន​ខ្សែ​រថភ្លើង​ភ្ជាប់​ជាមួយ​ភូមិភាគ​នេះ វា​ជួយ​សម្រួល​ការតភ្ជាប់ និង​ការធ្វើ​ពាណិជ្ជកម្ម​ជាមួយ​ប្រទេស​ថៃ​កាន់តែ​រស​រវើក​ថែមទៀត។

លោក​បន្តថា “តំបន់​ភូមិភាគ​ពាយ័ព្យ​នឹងមាន​ការរីកចំរើន​ខ្លាំង ខណៈ​តំលៃ​ដីធ្លី​បាន​ឡើងថ្លៃ​បន្តិចម្តងៗ ប្រកបដោយ​ភាព​លំនឹង​រួចហើយ វា​មិន​ហក់​ឡើង​ខ្ពស់​ខ្លាំង​នោះទេ។លោក​បន្តថា “ខ្ញុំ​មិន​និយាយថា វា​នឹង​ក្លាយជា​តារា​រះ​ឡើង​នៅ​ភូមិភាគ​ពាយ័ព្យ​ឬ​យ៉ាងណា​នោះទេ ព្រោះ​តំបន់​នេះ​មាន​សក្តានុពល​លើ​កសិឧស្សាហកម្ម។វា​មិនមាន​សក្តានុពល​លើ​វិស័យ​ទេសចរណ៍ ដូច​ក្រុងព្រះសីហនុ និង​ខេត្តសៀមរាប​នោះទេ”៕

Source From: https://www.propertyarea.asia

Leave a Reply

Your email address will not be published. Required fields are marked *