News

Check out real estate news updates

តើផ្សាររាយរងនៅកម្ពុជាអាចនឹងបិទទ្វារឬទេ ខណៈផ្សារទំនើបធំកំពុងប្រដេញគ្នា បើក?

វត្តមានផ្សារទំនើបធំៗជាច្រើន នៅកម្ពុជា បាននឹងកំពុងប្រដេញគ្នាបើក ដំណើរការជាបន្តបន្ទាប់ នៅរាជធានីភ្នំពេញ ដូចនេះ តើផ្សាររាយរង អាចប្រឈមនឹងការបិទទ្វារឬទេ?

លោក ប៊ុណ្ណា បានឲ្យដឹងថា ការសម្រុកចូលនៃផ្សារទំនើបធំៗនៅកម្ពុជា វាមិនមែនជាការព្រួយបារម្ភ ចំពោះផ្សាររាងរងនៅកម្ពុជានោះទេ ព្រោះបច្ចុប្បន្នជីវភាពប្រជាជននៅកម្ពុជាហាក់នៅមធ្យមភាគច្រើន មិនអាចទិញទំនិញថ្លៃៗនៅផ្សារទំនើបនោះទេ ដូចនេះទីផ្សាររាងរង នៅតែជាជម្រើសរបស់ប្រជាជនខ្មែរ នៅរាជធានីភ្នំពេញ។

ប៉ុន្តែប្រសិនបើបន្តិចទៀត បើមានផ្សារទំនើបកាន់តែច្រើនទៀតវាពិតជាមានការព្រួយបារម្ភ ព្រោះអនាគត ប្រជាជនយើង អាចនឹង មានជីវភាពបង្គួរទ្បើងដល់កម្រិតខ្ពស់ ពួកគេអាចបង្វែរផ្នត់គំនិត ចង់ប្រើប្រាស់របស់ល្អៗ ទំនើបៗ ពីផ្សារទំនើប។ ប៉ុន្តែយ៉ាងណា ចំពោះអ្នកស្ថិតក្នុងជីវភាពមធ្យមចុះក្រោមពួកគេទៅផ្សារទំនើបគឺគ្រាន់តែដើរមើល ដើរថតរូប ញាំអាហារបន្តិចបន្តួចប៉ុណ្ណោះ រួចក៏ត្រឡប់មកផ្ទះវិញ?
បើយើងក្រឡេក មកមើលភាព ជាក់ស្តែងនៅតាមផ្សារទំនើបតូចៗដូចជា ផ្សារទំនើបសុវណ្ណា រតនាផ្លាហ្សា ស៊ីធីម៉ល និងផ្សារទំនើបសូរិយា យើងឃើញថា តូបលក់ទំនិញជាច្រើនបានបិទទ្វារហើយអត្រាជួលតូបបានធ្លាក់ចុះគួរឲ្យកត់សម្គាល់ ដោយសារចំនួនមនុស្សដើរទិញទំនិញនៅផ្សារទាំងនោះបានធ្លាក់ចុះចាប់តាំងពីផ្សារទំនើបលំដាប់អន្តរជាតិ EAON MALL បានបើកដំណើរការជាលើកដំបូងនៅកម្ពុជា។

ប៉ុន្តែអត្រានៃអ្នកដើរផ្សាររាយរងនៅរក្សាដដែល ទាំងនោះសបញ្ជាក់ថា ចំពោះទីផ្សារផ្សារទំនើប នៅពេល ដែលមានផ្សារថ្មីណាចូលមក ផ្សារទំនើបពីមុននឹងត្រូវបាត់បង់ភ្ញៀវ ។ នេះបើយោងអ្នកបម្រើការម្នាក់ក្នុងផ្សារទំនើបសុវណ្ណា សុំមិនបញ្ចេញឈ្មោះបានប្រាប់ Business Cambodia។

បច្ចុប្បន្ន​ផ្សារ​ទំនើប​ក្នុងស្រុក​មាន​ចំនួន​កើនឡើង ​និង​ខ្លះ​កំពុង​សាងសង់ ​ហើយ​ខ្លះទៀត​កំពុង​លេចចេញ​នូវ​រូបរាង ​ដែលមាន​ទាំង​ការ​វិនិយោគ​ក្នុងស្រុក និង​ក្រៅ​ស្រុក​សរុប​ប្រមាណ​៦៥​ផ្សារ​ទំនើប​។

ចំពោះ​ឆ្នាំ​២០១៩​នេះ​ ផ្សារ​បង្កើត​ថ្មី​មាន​ចំនួន​១០​ ដែលមាន​កំណើន​រហូត​ដល់ ​២៥%​ឯណោះ​ដោយឡែក នៅ​ឆ្នាំ​២០២០ ​យើង​ឃើញថា​ កំណើន​ផ្សារ​នឹង​កើនឡើង​ ៧០%​ទៀត ​ដូច្នេះហើយ​នេះ​ជា​បញ្ហា​បារម្ភ​ដែល​ផ្សារ​ធំៗ​មាន​ច្រើន​ប្រហែលជា ​៥ ទៅ ៦​គម្រោង​ទៀត ដល់​ឆ្នាំ​២០២១ ។

Source From: https://www.business-cambodia.com/public/article/will-the-retail-outlet-in-cambodia-be-closed-while-the-big-shopping-mall-opens

Leave a Reply

Your email address will not be published. Required fields are marked *