News

Check out real estate news updates

ដំណឹង​ល្អ! ព្រលានយន្តហោះ​ក្នុង​ក្រុង​ប៉ោយប៉ែត​នឹង​សាងសង់​ឡើងវិញ​នៅរដូវប្រាំង​ខាងមុខ

ភ្នំពេញ៖ អភិបាលក្រុង​ប៉ោយប៉ែត ខេត្តបន្ទាយមានជ័យ​បាន​អះអាងថា ព្រលានយន្តហោះ​ក្រុង​ប៉ោយប៉ែត នឹង​ចាប់ផ្តើម​សាងសង់​ឡើងវិញ​នៅ​រដូវប្រាំង​ខាងមុខនេះ ហើយ។

លោក​សាន ស៊ា​ង​ហូ​អភិបាលក្រុង​ជាប់​ព្រំដែន​កម្ពុជា ថៃ​នេះ​បាន​មានប្រសាសន៍ ឲ្យ​ដឹង​តាម​ទូរស័ព្ទ​នា​ព្រឹក​ថ្ងៃទី១ វិច្ឆិកា​នេះ​ថា តាម​ឯកសារ​ដែល​លោក​បានឃើញ គឺ​ក្រុមហ៊ុន​វិនិយោគ​ព្រលានយន្តហោះ​នេះ នឹង​ចាប់ផ្តើម​សាងសង់​ព្រលាន​នេះ​ឡើងវិញ​នៅ​រដូវប្រាំង​ខាងមុខនេះ។លោក​បន្តថា ព្រលានយន្តហោះ​នេះ​មាន​ទំហំ​ផ្ទៃដី​ចន្លោះ​ពី១០០ទៅ២០០ហិកតា ដែល​អាច​ប្រើប្រាស់​សម្រាប់​ការហោះហើរ​ក្នុងស្រុក និង​អាច​ភ្ជាប់​ទៅកាន់​អន្តរជាតិ​នាពេល​អនាគត។

លោក​បន្ត​ដោយ​រំលឹកថា “ព្រលានយន្តហោះ​នេះ បានចាប់ផ្តើម​សាងសង់​តាំងពី​ឆ្នាំ២០០៨ ហើយ​ខ្ញុំ​ជា​អ្នកម៉ៅការ​សាងសង់​ព្រលានយន្តហោះ​នេះ​ផ្ទាល់។ ព្រលាន​នេះ​បាន​សាងសង់​ផ្លូវរ​ត់របស់​យន្តហោះ​រួចហើយ នៅតែ​ចាក់​បេតុង​បន្ថែម និង​សាងសង់​អាគារ​ទទួល​អ្ន​ក​ដំណើរ​ប៉ុណ្ណោះ។

លោក​អភិបាលក្រុង​ប៉ោយប៉ែត​បាន​បន្តថា ព្រលានយន្តហោះ​នេះ​នឹង​ដំណើរការ​ដោយ​រលូន ព្រោះ​បច្ចុប្បន្ន​មាន​ភ្ញៀវ​ចិន និង​អ្នកវិនិយោគ​ចិន និង​អ្នកវិនិយោគ​បរទេស​ជាច្រើន​ទៀត​បានមក​វិនិយោគ​នៅ​ទីក្រុង​នេះ ដោយសារ​វា​មាន​ព្រំដែន​ជាប់​ជាមួយ​ប្រទេស​ថៃ មាន​ហេ​ដ្ឋា​រចនា​ស​ម្ព័​ន្ឋ​ល្អប្រសើរ និង​មាន​ផ្លូវដែក​ដែល​ងាយស្រួល​ក្នុងការ​ដឹកជញ្ជូន។

ព្រលានយន្តហោះ​នេះ ស្ថិតនៅ​តំបន់​មួយ​ដែល​គេ​ហៅថា “តំបន់​កូនដំរី”ដែលមាន​ចម្ងាយ​ប្រមាណ១០គីឡូម៉ែត្រ​ពី​ក្រុង​ប៉ោយប៉ែត។ ព្រលានយន្តហោះ​នេះ​ជាក​ម្មសិ​ទ្ឋ​និង​វិនិយោគ​ដោយ​ម្ចាស់​សណ្ឋាគារ និង​កាស៊ីណូ​ហូ​លី​ដេ គឺ​លោក​ឧកញ៉ា​តូ​នី។

អ្នកនាំពាក្យ​រដ្ឋលេខាធិកា​រដ្ឋា​ន​អាកាសចរណ៍​ស៊ីវិល លោក​ស៊ិន ចាន់​សិរី​វុត្ថា​បាន​មានប្រសាសន៍​ឲ្យ​ដឹង​កាលពី​សប្តាហ៍​មុន​ថា រដ្ឋាភិបាល​បាន​អនុ​ញ្ញា​ត្ត​ជាគោលការណ៍​ឲ្យ​អ្នកវិនិយោគ​ព្រលានយន្តហោះ​នេះ ចាប់ផ្តើម​សាងសង់​ឡើងវិញ​ហើយ បន្ទាប់ពី​បាន​ផ្អាក​រយៈពេល​ប៉ុន្មាន​ឆ្នាំ​កន្លងមកនេះ។

លោក​បន្តថា “ការវិនិយោគ​សាងសង់​ឡើងវិញ នូវ​ព្រលានយន្តហោះ​នេះ​អាច​ចំណាយ​ទុនវិនិយោគ​ចន្លោះ​ពី៤០ទៅ៥០លាន​ដុល្លារ​អាមេរិក។

លោកស្រី​ឆាយ ស៊ីវ​លីន​ប្រធាន​សមាគម​ទីភ្នាក់ងារ​ទេសចរណ៍​កម្ពុជា​បាន​ស្វាគមន៍​គំរោង​វិនិយោគ​នេះ ដោយ​លោកស្រី​បាន​អះអាងថា ការ​មាន​ព្រលានយន្តហោះ​នេះ​នឹង​ផ្តល់​ជម្រើស​កាន់តែ​ងាយស្រួល​ដល់​អ្នកដំណើរ ដែល​ពួកគេ​អាច​កាត់បន្ថយ​ពេលវេលា​ក្នុងការ​ធ្វើដំណើរ​ពី​រាជធានី​ភ្នំពេញ ទៅកាន់​ក្រុង​ប៉ោយប៉ែត និង​សម្រួល​ដល់​ការធ្វើដំនើរ​របស់​ភ្ញៀវ​ទេសចរណ៍​រវាង​រាជធានី​ភ្នំពេញ ប៉ោយប៉ែត និង​ប៉ោយប៉ែត មកកាន់​ខេត្តសៀមរាប តាមរយៈ​ការភ្ជាប់​ជើងហោះហើរ​រវាង​ព្រលានយន្តហោះ​ទាំងនេះ។

លោកស្រី​បន្តថា “វា​នឹង​ផ្តល់​ជម្រើស​កាន់តែច្រើន​ដល់​ភ្ញៀវ​ជាតិ អន្តរជាតិ បើសិន​ពួកគេ​មិន​ចង់​ចំណាយពេល​យូរ ពួកគេ​អាចមាន​ជម្រើស​ក្នុងការ​ធ្វើដំណើរ​តាមផ្លូវ​អាកាស ដែល​ចំណាយ​ពេលវេលា​តិច”៕

Source From: https://www.propertyarea.asia

Leave a Reply

Your email address will not be published. Required fields are marked *