News

Check out real estate news updates

ដំណឹងល្អ : ក្រុមហ៊ុនចិនចំនួន៣បោះទុនជិត៤០០លានដុល្លារវិនិយោគសណ្ឋាគារនៅក្រុងព្រះសីហនុ

ភ្នំពេញ : ឆ្លើយតបកំនើនភ្ញៀវទេសចរណ៍អន្តរជាតិ និងកង្វះបន្ទប់សណ្ឋាគារជាប្រចាំ ក្រុមហ៊ុនចិនចំនួនបីបានប្រកាសវិនិយោគ ទឹកប្រាក់៣៨៨លានដុល្លារអាមេរិក ដើម្បីសាងសង់សណ្ឋាគារកម្រិតផ្កាយ៥នៅក្រុងជាប់មាត់សមុទ្រនេះ។

យោងតាម facebook page ក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនប័ត្រចុះបញ្ជីជាស្ថាពរដល់ក្រុមហ៊ុនបរទេសចំនួន៣ ដូចជាក្រុមហ៊ុន “PRINCE HUAN YU REAL ESTATE” គម្រោងសាងសង់ អាជីវកម្មសណ្ឋាគារថ្នាក់ផ្កាយ៥ដែលមានចំនួន២.១០៣បន្ទប់ និងមជ្ឈមណ្ឌលពាណិជ្ជកម្ម ដែលមានទីតាំងវិនិយោគស្ថិតនៅភូមិ៤ សង្កាត់លេខ៤ ខណ្ឌមិត្តភាព ក្រុងព្រះសីហនុ ខេត្តព្រះសីហនុ មានទុនវិនិយោគចំនួន ៣០០លានដុល្លារអាមេរិក និងអាចបង្កើតការងារបាន ២.៦៨១កន្លែង។

ក្រុមហ៊ុន“XIN HAO HUI ENTERTAINMENT CO.,LTD.” គម្រោងសាងសង់ និងអាជីវកម្មសណ្ឋាគារថ្នាក់ផ្កាយ៥ និងរីសត ស្ថិតនៅភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ មានទុនវិនិយោគចំនួន១១លានដុល្លារអាមេរិក និងអាចបង្កើតការងារបាន ២៦១កន្លែង។ និងក្រុមហ៊ុន “QIN YUE GARDEN HOTEL CO.,LTD.” គម្រោងសាងសង់ និងអាជីវកម្មសណ្ឋាគារថ្នាក់ផ្កាយ៥ ចំនួន៣៥០បន្ទប់ ដែលមានទីតាំងវិនិយោគស្ថិតនៅភូមិអុង សង្កាត់រាម ខណ្ឌព្រៃនប់ ក្រុងព្រះសីហនុ ខេត្តព្រះសីហនុ មានទុនវិនិយោគប្រមាណ២៧,៦២លានដុល្លារអាមេរិក និងអាចបង្កើតការងារបាន ២៨៩កន្លែង៕

Source From: https://www.propertyarea.asia

Leave a Reply

Your email address will not be published. Required fields are marked *