News

Check out real estate news updates

គំរោង​វិនិយោគ​របស់​ចិន​នៅ​កម្ពុជា​កំពុង​រង​ផលប៉ះពាល់​ពី​សង្គ្រាម​ពាណិជ្ជកម្មចិន អាមេរិក

ភ្នំពេញ៖ អ្នកជំនាញ​អចលនទ្រព្យ​បាន​អះអាងថា គំរោង​វិនិយោគ​របស់​ចិន​មួយចំនួន​នៅ​កម្ពុជា​កំពុង​រង​ផលប៉ះពាល់ ដោយសារ​វិបត្តិ​នៃ​សង្គ្រាម​ពាណិជ្ជកម្ម​សហរដ្ឋអាមេរិក និង​ប្រទេស​ចិន។

ថ្នាក់ដឹកនាំ​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា​មួយរូប​បាន​និយាយ​ក្នុង​លក្ខ​ខ័​ណ្ឌ​មិន​បញ្ចេញ​ឈ្មោះថា គំរោង​របស់​ចិន​នៅ​កម្ពុជា ប្រមាណ៣០ភាគរយ​បាន​រង​ផលប៉ះពាល់ ដោយសារ​សង្គ្រាម​ពាណិជ្ជ​កម្មនេះ ក្នុងនោះ​គំរោង​ខ្លះ​បាន​ផ្អាក​ការសាងសង់ និង​មួយចំនួនទៀត​ពួកគេ​កំពុង​ផ្អាក​គំរោង​សាងសង់​របស់ខ្លួន ។ លោក​បន្តថា ផ្សារ​ហ៊ុន​របស់​ចិន​បាន​បន្ត​ដាំ​ក្បាល​ចុះ ធ្វើ​ឲ្យ​ក្រុមហ៊ុន​ចិន​ដែល​បាន​ចុះបញ្ជីរ​ក្នុង​ផ្សារ​ហ៊ុន​បាន​រង​ការខាតបង់​យ៉ាងដំណំ។

ជាក់ស្តែង​គំរោង SINO PLAZA , SKY VILLA, SINA PLAZA, គំរោង​សណ្ឋាគារ​របស់​ក្រុមហ៊ុន GREENLAND GROUP នៃ​គំរោង THE I.D RIVIERA ជាដើម​បាន​ផ្អាក​ការសាងសង់​និង​កែប្រែ​គំរោង​របស់ខ្លួន។

ទោះជា​យ៉ាងណា​អ្នកនាង អាន សុធី​តា នាយិកា​ប្រចាំ​ប្រទេស​នៃ​ក្រុមហ៊ុន CBRE Cambodia បាន​មានប្រសាសន៍​ឲ្យ​ដឹងថា អ្នកនាង​មើលឃើញថា​គំរោង​វិនិយោគ​របស់​ចិន​នៅ​កម្ពុជា​មិនមាន​អ្វី​ប្រែប្រួល​នោះទេ សម្រាប់​ក្រុមហ៊ុន​ល្អ​ពួកគេ​នៅតែ​បន្ត​សកម្ម​សាងសង់ ប៉ុន្តែ​ក្រុមហ៊ុន​ដែលមាន​បញ្ហា​នៅតែមាន​បញ្ហា។

អ្នកនាង​បន្តថា “មិនមាន​អ្វី​គួរ​ឲ្យ​បារម្ភ​ឬ​គំរោង​ណាមួយ​មាន​បញ្ហា​នោះទេ គំរោង​របស់​ចិន​នៅតែ​បន្ត​វិនិយោគ​នៅ​កម្ពុជា។

លោក គីម ហ៊ាង ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា​បាន​មានប្រសាសន៍​ឲ្យ​ដឹងផង​ដែរ​ថា ទោះ​ជាមាន​បញ្ហា​បណ្តាលមកពី​សង្គ្រាម​ពាណិជ្ជកម្ម​ចិន និង​អាមេរិក​ក្តី ក៏​គំរោង​របស់​ចិន​មិនបាន​ផ្លាស់ប្តូរ​នៅ​កម្ពុជា​នោះទេ អ្នកវិនិយោគ​ចិន​នៅតែ​បន្តសកម្មភាព​វិនិយោគ ហើយ​អ្នកវិនិយោគថ្មីៗនៅតែ​បន្ត​ចូលមក​កាន់​កម្ពុជា។

លោក​បន្តថា “មិនមាន​សញ្ញា​ណាមួយ​បង្ក​ហានិភ័យ ដល់​គំរោង​វិនិយោគ​របស់​ចិន​នោះទេ តែ​លោក​ទទួលស្គាល់ថា​ទីផ្សារ​ភាគហ៊ុន​ចិន​បាន​ធ្លាក់ចុះ​ពិតប្រាកដ។

ប្រាក់​យ័នរ​បស់​ចិន​បាន​ធ្លាក់ចុះ​ជា​ប្រវត្តិសាស្ត្រ ក្នុង​រយៈពេល​មួយ​ទសវត្សរ៍​ចុងក្រោយ​នេះ ដោយ​តម្លៃ​ប្រាក់​យ័ន​បាន​កើនឡើង៦,៩៧ដុល្លារ ធៀប​នឹង​ប្រាក់​មួយ​ដុល្លារ​អាមេរិក ហើយ​តាម​អ្នកជំនាញ​បានលើកឡើង​ថា តម្លៃ​ប្រាក់​យ័ន​ចិន​នឹង​បន្ត​ធ្លាក់ចុះ​បន្ថែមទៀត ប្រសិនជា​សង្គ្រាម​ពាណិជ្ជកម្ម​នៅតែ​បន្ត​អូសបន្លាយ៕

Source From: https://www.propertyarea.asia

Leave a Reply

Your email address will not be published. Required fields are marked *