News

Check out real estate news updates

ខេត្តកណ្តាល​បន្ត​ទាក់ទាញ​អ្នក​ពុះ​ដីឡូត៍​លក់​កាន់តែច្រើន

ភ្នំពេញ៖ ខណៈ​តម្លៃ​ដី​នៅក្នុង​ក្រុងភ្នំពេញ កំពុង​ហក់​ឡើង​ខ្លាំង​កាន់តែខ្លាំង​សកម្មភាព​ពុះ​ដីឡូត៍​លក់បាន និង​កំពុង​បន្ត​រីក​រាលដាល​កាន់តែខ្លាំង ទៅកាន់​ខេត្តកណ្តាល ដែលជា​ខេត្ត​មួយ​មាន​ទីតាំង​ជាប់​នឹង​ព្រំប្រទល់​រាជធានី​ភ្នំពេញ។

លោក ឃឹម វាសនា ប្រធាន​ផ្នែក​ទីផ្សារ​នៃ​គម្រោង​ពុះ​ដីឡូត៍​លក់​វឌ្ឍនៈ​ដីឡូត៍​អភិ​វ ឌ្ឍ​ន៍​មានប្រសាសន៍​ឲ្យ​ដឹង​នា​ព្រឹក​ថ្ងៃទី៣១ តុលា​នេះ​ថា  ដោយសារ​តម្លៃ​ដី​នៅ​ក្រុងភ្នំពេញ​កំពុង​កើនឡើង​ខ្លាំង​នេះហើយ ទើប​ក្រុមហ៊ុន​របស់លោក​ទិញ​ដី​ពុះ​ឡូ​ត៌​លក់ នៅ​តំបន់​ជាយក្រុង​វិញ​ម្តង ដែលមាន​ទីតាំង​ស្ថិតនៅ​ភូមិ​ព្រៃ​សំព័រ ឃុំ​ជ្រៃ​លាស់ ស្រុក​ពញ្ញាឮ ខេត្តកណ្តាល។

លោក​ថា ទោះជា​ទីតាំង​ដី​មាន​ចម្ងាយ​ឆ្ងាយ​ពី​ក្រុង​បន្តិច​មែន ប៉ុន្តែ​សកម្មភាព​ពុះ​ដី​ឡូ​ត៌​លក់ កំពុង​មានការ​គាំ​ត្រ​ខ្លាំង​ពី​អតិថិជន «ដី​ឡូ​ត៌​ពុះ​ថ្មី​ទំ​ហុំ​ជាង៤ហិកតា មិនទាន់បាន​មួយខែ​ពេញ​ផង ឥឡូវ​មាន​អតិថិជន​មក​ក់លុយ​ទិញ​ទុក បាន​ប្រមាណ​ជាង៥០ភាគរយ​ហើយ ដោយសារ​តម្លៃ​ដី​នៅ​ធូ​ថ្លៃ​អតិថិជន មានឱកាស​រកប្រាក់​ចំណេញ​បាន​ទៅ​ថ្ងៃមុខ»។

ជាមួយគ្នានេះ​លោក ភឿង ប៊​ន ម្ចាស់​គម្រោង​ដីឡូត៍​ដែល​បាន​ពុះ​លក់ នៅក្នុង​ឃុំ​ក្រាំង​ម្កាក់ ស្រុក​អង្គស្នួល ខេត្តកណ្តាល​បាន​មាន​ប្រស​សាសន៍​ថា គម្រោង​ដីឡូត៍​លក់​នៅ​ទីនោះ​ក៍មាន​អតិថិជន​គាំទ្រ​ច្រើន​ដែរ ដោយសារ​ការ​ពុះ​ដី​ឡូ​ត៌​ទំហំ​ជាង​មួយ​ហិកតា លក់​ត្រឹម​រយៈពេល​ជាង១ខែ​ប៉ុណ្ណោះ អតិថិជន​មក​ទិញ​ជិត​អស់​ទៅហើយ នៅសល់​មួយចំនួន​តូច​ដែលមាន​ទីតាំងនៅ​ចុង​ដីឡូត៍ អតិថិជន​មិនសូវ​ស្រលាញ់ ទើប​នៅសល់៥ទៅ៦ឡូ​ត៌​ទៀត​នោះ។

លោក​បន្តថា បន្ទាប់ពី​អតិថិជន​គាំទ្រ​ខ្លាំង​ដូច្នេះ លោក​បាន​បន្តទៅ​ពុះ​ដី​ឡូ​ត៌​លក់​នៅ​ទីតាំង​ផ្សេង​មួយទៀត​នៅ​ជិត​ផ្លូវ៤១ ព្រំប្រទល់​ខេត្តកណ្តាល និង​ខេត្តកំពង់ស្ពឺ ហើយ​កំពុង​ត្រូវបាន​អតិថិជន​កក់​ទិញ​ទុកជាបណ្តើរៗហើយ ខណៈដែល​ការចាក់ដី​និង​ស្ថាបនា​ផ្លូវ​បេតុង​ក្នុង​ដី​ឡូ​ត៌ នៅ​សាងសង់​មិនទាន់​រួចរាល់​ផង​នោះ។

ចំណែក​លោក​សុ​ទ្ឋ គឹម​សឿន សហ​ស្ថាបនិក​គម្រោង​ពុះ​ដីឡូត៍​លក់ នៅ​ខាងក្រោយ​ផ្សារ​ព្រៃទទឹង ក្នុងភូមិ​ព្រៃទទឹង ឃុំ​ត្រពាំងវែង ស្រុក​កណ្តាលស្ទឹង ខេត្តកណ្តាល លើ​ផ្ទៃដី​ជាង២០ហិកតា លក់​ជិត​អស់៥០ភាគរយ​ហើយ បន្ទាប់ពី​ចាក់ដី​លក់បាន​ត្រឹម​រយៈពេល​ជាង២ខែ។

លោក​បន្តថា អ្វីដែល​ធ្វើឱ្យ​ទីតាំង​ពី​ឡូ​ត៌​លក់​ខាងលើ មានការ​គាំទ្រ​ច្រើន​ពី​អតិថិជន គឺ​ដោយសារ​ដី​នៅមាន​តម្លៃ​ទាប ទីតាំង​មាន​សក្តានុពល នៅ​ជិត​មណ្ឌល​សុខភាព សាលារៀន ផ្ទះ​ប្រជាពលរដ្ឋ និង​នៅជាប់​ផ្សារ​ព្រៃទទឹង ហើយ​ពិសេស​នោះ​គម្រោង​នេះ​នៅ​ជិត​ផ្លូវ​រថយន្ត​ភ្លើង​ផ្លូវជាតិ​លេខ៣ និង​មាន​គម្រោង​រោងចក្រធំៗកំពុង​សាងសង់ និង​ដំណើរការ​នៅ​ទីនោះ​ជា​បណ្តើរហើយ៕

Leave a Reply

Your email address will not be published. Required fields are marked *