News

Check out real estate news updates

ក្រុមហ៊ុន​អចលនទ្រព្យ​យក្ស R&F ប្រកាស​អភិវឌ្ឍន៍​គម្រោង​ខុន​ដូ​កប់​ពពក​ថ្មី​មួយទៀត

ភ្នំពេញ៖ ក្រុមហ៊ុន​អចលនទ្រព្យ​យក្ស​មកពី​ប្រទេស​ចិន R&F Properties បាន​អភិវឌ្ឍន៍​គំរោង​ថ្មី​ខុន​ដូ​កប់​ពពក​ថ្មី​មួយទៀត គឺ​គម្រោង​អ& អេ​ហ្វ ហ័​រ​ហ្វ៊ូ ជា​គម្រោង​អគារ​ខ្ពស់​និង​ទាន់សម័យ​ជាងគេ នៅ​កណ្តាល​រាជធានី​ភ្នំពេញ។

ថ្លែង​ក្នុង​សន្និសីទ​សារព័ត៌មាន កាលពី​រសៀល​ថ្ងៃទី២៧ កញ្ញា ២០១៨ អគ្គនាយក​គ្រប់គ្រង​ក្រុមហ៊ុន R&F Properties ប្រចាំ​ប្រទេស​កម្ពុជា លោក XU WENSHUI បាន​មានប្រសាសន៍ថា បន្ទាប់ពី​ធ្វើការ​អភិវឌ្ឍន៍​គម្រោង​បុរី R&F Phnom Penh ក្រុមហ៊ុន បាន​បន្ត​អភិវឌ្ឍ​គម្រោង​អគារ​ស្នាក់នៅ​លំដាប់​កំពូល​មួយទៀត គឺ​គម្រោង​អ & អេ​ហ្វ ហ័​រ​ហ្វ៊ូ ដែលជា​គម្រោង​អភិវឌ្ឍ​ទីក្រុង​បែប​ថ្មី​មួយ ដែលមាន​កម្ពស់​ខ្ពស់​ជាងគេ​នៅ​ចំ​កណ្តាល​ទីក្រុង​ភ្នំពេញ ជាមួយនឹង​របៀប​រស់​នៅ​ថ្មីស្រឡាង និង​បទពិសោធន៍​នៃ​ការ​ស្នាក់​នៅក្នុង​អគារ ដ៏​ទំនើប និង​ប្រណីត​លំដាប់ថ្នាក់​កំពូល។

គំរោង​នេះ​ស្ថិតនៅ​ទីតាំង​អតីត​រោងចក្រ​ផលិត​ស័ង្កសី ស្ថិតនៅតាម​បណ្តោយ​មហាវិថី​មុនី​វង្ស សង្កាត់​ទន្លេបាសាក់ ខ័​ណ្ឌ​ចំការ​មក ក្រុងភ្នំពេញ។

ចាប់តាំងពី​ឆ្នាំ1994 ក្រុមហ៊ុន R&F Properties បាន​បង្កើតឡើង​នៅក្នុង​ទីក្រុង​ក្វាង​ចូ​វ ប្រទេស​ចិន​មក ក្រុមហ៊ុន​បាន​ពង្រីក​អាជីវកម្ម​របស់ខ្លួន​នៅក្នុង​ទីក្រុង និង​តំបន់​ចំនួន69ទូទាំង​ក្នុងប្រទេស​ចិន និង​នៅក្រៅ​ប្រទេស តាមរយៈ​យុទ្ធសាស្ត្រ​អភិវឌ្ឍ​បីធំៗគឺ ចាក់ឫស​នៅក្នុង​ទីក្រុង​ស្នូល​របស់​ប្រទេស​ចិន ចូលទៅក្នុង​ទីផ្សារ​ដែលមាន​សក្តានុពល​អភិវឌ្ឍ​របស់​ប្រទេស​ចិន និង​ជ្រើសរើស​គម្រោងល្អៗនៅក្រៅ​ប្រទេស។ ចាប់តាំងពី​ឆ្នាំ 2013 មក អ & អេ​ហ្វ ប្រ​ផឹ​ធី បាន​ចូលទៅក្នុង​ទីផ្សារ​ក្រៅប្រទេស​ជាច្រើន ដូចជា ប្រទេស​ម៉ាឡេស៊ី អូស្ត្រាលី អង់គ្លេស និង​ប្រទេស​កម្ពុជា។

លោក XU WENSHUI បាន​បន្ត​ឲ្យ​ដឹងថា រហូតមកទល់​ពេលនេះ ក្រុមហ៊ុន​បាន​អភិវឌ្ឍ​គម្រោង​ជាង២២០គម្រោង ទ្រព្យ​សរុប​របស់​ក្រុមហ៊ុន​មាន​ប្រហែល២៩០ពាន់​លាន​យ័ន និង​ទទួលបាន​ចំណូល​លក់​ប្រចាំឆ្នាំ​លើសពី៨០ពាន់​លាន​យ័ន បាន​ផ្តល់នូវ​អគារ​ស្នាក់នៅ និង​សេវាកម្ម​ដ៏​ប្រណីត​ទៅឱ្យ​ប្រជាជន​ជាង១លាន​នាក់ ព្រមទាំង​ទទួលបាន​កិត្តិនាម​ជា “ក្រុមហ៊ុន​មួយ​ក្នុងចំណោម​ក្រុមហ៊ុន​អភិវឌ្ឍ​អចលនទ្រព្យ​ធំជាងគេ​ទាំង10របស់​ប្រទេស​ចិន” ក្នុង​រយៈពេល៨ឆ្នាំជាប់ៗគ្នា។

នៅ​ឆ្នាំ2017 R&F ឆ្លើយតប​ទៅនឹង​ការអភិវឌ្ឍន៍​សេដ្ឋកិច្ច​អន្តរជាតិ​តាម​គោលនយោបាយ “ផ្លូវ​មួយ ខ្សែក្រវាត់​មួយ” និង​តាមរយៈ​សក្តានុពលភាព​អភិវឌ្ឍ​ទីក្រុង​ភ្នំពេញ បានជ្រើសរើស​យក​ព្រះរាជាណាចក្រ​កម្ពុជា ធ្វើជា​ចំណុច​ស្នូល​ក្នុងការ​អភិវឌ្ឍន៍​តំបន់​អាស៊ីអាគ្នេយ៍ និង​ជា​ខ្លា​ថ្មី​ប្រចាំ​ទ្វីបអាស៊ី។ គម្រោង អ& អេ​ហ្វ ហ័​រ​ហ្វ៊ូ គឺជា​អគារ​ស្នាក់នៅ​ខ្ពស់​ជាងគេ​បំផុត​នៅ​ទីក្រុង​ភ្នំពេញ ដែលមាន​កម្ពស់174ម៉ែត្រ សរុប57ជាន់ ដែលជា​អគារ​ស្នាក់នៅ​របស់​អភិជន​ជាន់ខ្ពស់​នៅ​ទីក្រុង​ភ្នំពេញ និង​វា​ពិតជា​មាន​ភាព​ស៊ីគ្នា និង​ជាការ​សហការ​ដ៏​សក្ដិសម​បំផុត។

អ្នកនាង Grace Rachny Fong នាយិកា​ក្រុមហ៊ុន Century21 Cambodia បាន​ថ្លែងថា អ្នកវិនិយោគ​ចិន​មើលឃើញ​ឳ​កាស​រកប្រាក់​ចំណេញ​បាន​នៅទីនេះ ដោយសារ​តម្លៃ​ដីធ្លី​នៅ​ទីក្រុង​ភ្នំពេញ មាន​ភាពសមរម្យ​នៅឡើយ។ ហេតុនេះ​វា​ជា​ភាពត្រឹមត្រូវ​ដែល​ពួកគេ​សម្រេចចិត្ត​មក​វិនិយោគ​នាពេលនេះ ព្រោះ​បើ​ពួកគេ​យឺត​ពេល គំរោង​របស់​ពួកគេ​មិនអាច​រកត​ម្លៃ​អចលនទ្រព្យ​បានល្អ​នោះទេ។

អ្នកនាង​បន្តថា “ពួកគេ​សម្លឹង​ទៅ​អនាគត ដែល​បច្ចុប្បន្ន​ជនបរទេស​វិនិយោគ​និង​ស្នាក់នៅ​ខុន​ដូ​ភាគច្រើន តែ​ពេលអនាគត​ប្រជាជន​នឹង​ជំនួស​ជនបរទេស​ទាំង​នោះ ពួកគេ​នឹង​ស្នាក់នៅ​ខុន​ដូ។ អ្នកនាង​បន្តថា “គំរោង​របស​ចិន ជា​គំរោងធំៗ ប៉ុន្តែ​ពួកគេ​ធ្វើឡើង​តាម​ដំណាក់កាល”៕

Source From: https://www.propertyarea.asia

Leave a Reply

Your email address will not be published. Required fields are marked *